مصروف الاولاد ..
السلام عليكم
فيه مفاوضات ومباحثات بيني وبين الاولاد بخصوص المصروف انا مقتنعة بالفكرة لكن التطبيق محتارة شوي ممكن مساعدة بالاتي 1- وش يضم المصروف (الاكل للمدرسة،احتياجات المدرسة ، احتياجات عامة) 2- المبلغ المثالي لاتقولون حسب وضعكم لا ، الافضل انه يكون شي ستاندرد اقصد حسب الوضع العام 3- السن اللي ممكن نعطيهم المصروف 4- وهذا مهم هل لازم يدري كل طفل عن مصروف اخوه كم ؟ وهل يجوز التفاوت بين الاخوة في المصروف؟؟ .......................... انا بابحث في منتديات ثانية لكن لا استغني عن مشاركاتكم |
الموضوع الطفل الاستهلاكي أو كلما اشتهيت اشتريت يقترح المصروف لكل عمر
https://mqataa.co/vb/showthread.php?t=12409 |
بالنسبة لي محدد لكل واحد من عيالي مصروف مدرسي يومي.
يعتمد على مايحتاجه .. إللي في المتوسط إن أخذ العصير و السندوتش من البيت ثلاثة ريال تكفيه يتشبرق بيها. إن خرج من غيرهم أربعة ريال أو خمسة لزوم الفطور. إللي في الإبتدائي فوق ثالثة ينقص عن المتوسط ريال. أما إللي تحت ثالثة إبتدائي .. ريالين مافي غيرهم لأنهم إلزامي يفطروا في البيت و يأخذوا معهم السندوتش و العصير. و إللي يوفر من مصروفه نشوف كم يوصل و أكمل له هو لأقرب رقم عشري. |
ابو هشام هذا مانتبعه الان مع اولادي ، مصروف يومي ولكن ماذا لو صار شهري؟ ويشمل اشياء غير المدرسة؟
وماشاء الله عليك مسيطر على الوضع انا عندنا اللي اصغر مسيطيرين ويبون المساواة بالاكبر:) سعودي مقاطعة شفت الموضوع من اول لكن ابغى ارتب الافكار بشكل خاص بي |
بالنسبة لي اكبر الاولاد في رابع ابتدائي وكلهم يفطروا في البيت (الزامي) ومصروف الجيب 3 ريال المصروف الشهري طبقته معاهم لكن يوم يفطرون بخمسه ، ويوم بريال وباقي المصرف مديونيات للزملاء https://www.mqataa.co/vb/images/icons/icon10.gif عاد قلت لا تدين إلا واحد فقير أو يتيم ،،، المشكلة طلع كل الفصل ايتام وهات يادين ، وإلى اليوم والوعود بالسداد مستمرة ، وانطر يا ... إلى ان يأتيك الدين ;) أما احد الابناء فكان حريص بزيادة على المصروف فاحيانا ما يشتري من المدرسة ، ولكن المشكلة في الكبير يبعزق المصروف ، ويستدين من صاحب التوفير ، والوعود كثيرة ، ولم يقدر الجميع على السداد بسبب التضخم https://www.mqataa.co/vb/images/icons/icon10.gif من رأيي أن يدرب الطفل على شراء مستلزمات المنزل ليوم واحد وأن تكون النقود معه ، والاب أو الام يشرف عليه للتوجيه . مشكورة أم العيال على التطرق لهذا الموضوع |
اقتباس:
على العموم الوالد الله يحفظه كان يعطينا ثلاثة ريالات في الإبتدائية والمتوسطة تم ترقيتنا (2% بدل متوسطة) وصارت 5 ريالات وكان الصرف يومي واما اعطاء المصروف كل شهر للأبناء سوف يؤدي إلى استخدام مصروفهم من اول لحظة استلامهم له والذي يجعل منه مبذر وغير مقدر للجانب المالي في المستقبل , وربما انتهى به المطاف إلى استعطاف الوالدين لإعطائه مصروف مرة ثانية والذي قد ينعكس مستقبلاً في الجانب المالي والقدرة على الإلتزام والوفاء بمتطلبات الحياة . |
واما اعطاء المصروف كل شهر للأبناء سوف يؤدي إلى استخدام مصروفهم من اول لحظة استلامهم له والذي يجعل منه مبذر وغير مقدر للجانب المالي في المستقبل , وربما انتهى به المطاف إلى استعطاف الوالدين لإعطائه مصروف مرة ثانية والذي قد ينعكس مستقبلاً في الجانب المالي والقدرة على الإلتزام والوفاء بمتطلبات الحياة .
بالعكس .....لاني مجربه هالشئ على اولادي من يوم انهم بالصف الثاني ابتدائي والحين ماشاء الله عليهم اللي بالجامعة والثانوي والممتوسط وشرطت عليهم اذا خلص مصروفك قبل نهاية الشهر ماتشوفون ولاريال وجزمت على كذا والحمدللة لكن الان الاسعار غليت .........وانا نفسي بدأت اخربط |
ابوجنى الله يحفظ لكم الوالد ،انا ابغاهم يتعودون المسؤولية وهم بعد يبون مصروف شهري
والمفاوضات مايمديك علينا شوي ونعلن مناقصة وفتح مظاريف:) جوجو ماشاء الله الله يحفظ لك اولادك انا افكر اسوي مثلك بس ليت اجل لو ماعليك كلافة تجاوبين على اسئلتي اعلاه |
ام العيال الله يخلي لك عيالك
وانا اشوف تنظيم ابو هشام طيب الله يخلي له عياله ويحفظ الجميع وانتي الظاهر الصغار متدلعين شوي عليك عشان كذا يبون مساواه مع الكبار ف خلي المصروف على المراحل الدراسية ................ اما الشهري ماشجعه وحطي بدل الشهري مكافئه ماليه للي ينجح ويجيب تقدير زين كل شهر تحياتي لهم بالتوفيق :) سلمي على الصغير المشاكس هههههههههههه شكله يبي يسجل في مقاطعه يهاوش الحكومه من هالحين |
اقتباس:
ماذكر هو حالة خاصة (بإعتقادي) لا تعمم او بها يصح التطبيق على الباقين . الأطفال (وخاصة اطفال المرحلة الإبتدائية) دائمًا لايستطعون السيطرة والتحكم بمصروفهم او التخطيط وإلا لما كان للأبوان دور مهم في حياتهم . ولعل اكبر مثال لو ذهبت بهم إلى البقالة وأعطي مبلغ من المال , لن يخرج من البقالة إلا وقد صرفه كله ولو زاد هذا المبلغ لزاد ما سوف يشتريه. |
اقتباس:
المسؤولية بدري عليها خاصة في الأمور المالية, وعيال اليومين دول الله يحفظم عيونهم على مترفات العصر وياكثرها (الله يرحم زمان اول حدنا مع التطور برجون لبلب وشوية العاب في الأعياد) على العموم سوي معاهم تجربة نصف مصروف شهري كل اسبوعين ,والتجربة خير برهان:) |
اقتباس:
|
استفدنا من تجاربكم واقتراحاتكم
جزاكم الله خير جميعا |
مقاطع من الجبيل :الله يسلمك ، تدري الصغير جايه هدية في العيد مكتوب عليها الى المشاكس ماشاء الله عليك عرفت الوصف الدقيق
ابوجنى بسوي تجربة زي ماقلت ونشوف جمرة غضا تسلمن والله استفدت كثير من كلامك وباجرب معهم ،جربت في العيد عطيت الكبير مبلغ وقلت له تشتري انت بنفسك اغراضك وتفصل ثوب وكل شيء تدرين وش سوا ؟ماشرا شماغ جديد قال شماغي من شهر بس مايحتاج؟؟ اخاف اعطيهم مصروف شامل كل شي معد يشترون يقعدون بلبس السنة الي فاتت :( مقاطعهم حياك الله ، كلنا نستفيد هنا |
اقتباس:
أنا أعتقد ان هذا شي طيب على الأقل انه اتخذ قرار وهذا بحد ذاته انجاز وأيضا بدأ يحس بقيمة الفلوس ويوفر لنفسه وأنا أفضل انك تنصحينه فقط وتتركين القرار له متابع الموضوع واذا كبرت غلا ان شاء الله نتعامل معها |
اقتباس:
اما سالفة الدين والمداين يالله والله معاناة الله يعين وسبحان الله لازم كذا العيال واحد مسرف والثاني عكس شكرا لك والله يخلي لك عيالك ويخليك لهم |
اقتباس:
الله يحفظ غلا ويخليكم لها |
اقتباس:
وبعدين الفسحة اغلب المدرس صارت تحطها بعد الحصة الثانية يعني لو فطر ماراح يشتهي بالفسحة وصعب انه يستمر الى الظهر بدون اكل المشكلة طلعت الحين بتناول وجبة الفطور مهوب المصروف :confused: |
| الساعة الآن 03:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by