قال ايش قال السياره مضمونه
لقيته في موقع حراج
السلام عليكم ورحمة الله وبركاته ارجوا من المشرفين عدم حذف الاعلان لأنه فيه فايده للكل هذا ما حدث لسيارتي بعد الصيانة بيومين و أنا على طريق الدمام السريع لاحظت أنه وجود أهتزاز خفيف في السيارة و ما أن أوقفت السيارة وجدت الجزء العلوي الأطار قد خرج من مكانه مما أدى ذلك إلى : تلف الجنط تلف في جسم السيارة حول الكفر تلف النساف خلف الكفر نوعية السيارة : تويوتا أوريون ( عبداللطيف جميل ) الموديل 2010 This is what happened to my car just two days after I got it out from Toyota routine Maintenence while I was driving my way to work on AL AHSA - DAMMAM Highway The upper part of one of my car's tires was moved out just like it was been cut by a knife which caused the following problems a damage in the car body around the tire Car Model: Toyota Aurion 2010 وهذا هو الجزء التالف من الأطار This the damged part of the tire و هذه فاتورة الصيانه توضح تاريخ الصيانة and this is the maintenance invoice showing the date of the maintenace clearly و بعد الأتصال بالرقم المجاني لتويوتا تم رفع شكوى رسمية و راجعت بالسيارة أقرب فرع من تويوتا وكان فرع الأحساء - الهفوف قال لي مدير الصيانة في ذلك الفرع أن هذه المشكلة عيب تصنيعي من الأطار نفسه من شركة الأطارات و هي يوكوهاما و أعطاني خطاب موجه إلى شركة يوكوهاما لحل المشكلة After a call toll-free for Toyota was raised a formal complaint and reviewed the car from the nearest branch Toyota and the Al-Ahsa Branch - Hofuf maintenance manager, told me in that section That this problem is a manufacturing defect of the same framework of the tire company and is Yokohama و هذا هو الخطاب الموجه من وكالة تويوتا إلى يوكوهاما And this is the letter from the Toyota dealership to Yokohama و بعد الرجوع إلى وكالة يوكوهاما And after returning to the YOKOHAMA قال لي الموظف أن هذا ليس عيب مصنعي و انه من الممكن أن أكون ضربت في حاجة حادة هي التي تسببت بهذه المشكلة ( أبي أعرف يعني ضارب في فرجار مثلا ً ) و بعد أصراري أني لم أضرب في أي حاجة قال لي الموظف أنه حتى في حالة أن الأطار به عيب مصنعي فأنه لن يتم تعويضي إلا بقيمة 50 % من قيمة الأطار و لن يتم تحمل أي ضرر لاحق بجسم السيارة When I delivered Toyota's report to YOKOHAMA, I was told by their employee that it is not a manufacturing problem and that I hit something sharp to cause such a damage to the car!! I told him what happened exactly and after my bold gesture , he told even if the problem is on the company , you will not be compromised more then 50 % from the price of the tire and will not maintain any further damages وبعد ذلك قمت بالرجوع إلى مدير فرع تويوتا محمد مكي النجار و بعد شرح المشكلة له قال أنه سوف يساعدني و يصلح أضرار السيارة كاملة و يعمل لي خصم 30 % من قيمة الجنط أما الأطار فأنه لا يستطيع تغييره فوافقت على هذا الحل و بعد أن جلست السيارة عندهم لمدة ثلاث أيام جائني أتصال من تويوتا يفيد بأنهم لن يصلحو السيارة لأن قيمة التصليح باهضة و عند رجوعي إلى مدير الفرع محمد النجار قال لي أنه في صلاحيته أن يصلح السيارة بقيمة 500 ريال فقط تحت بند أرضاء العميل ( يعني ما في أي علاقة للصيانة في الموضوع ) و هذه قيمة التصليحات قيمة تصليح جسم السيارة = 3500 ريال قيمة الجنط بعد الخصم = 2000 ريال قيمة طقم أطارات = 2200 ريال يعني أجمالي المبلغ يساوي 7700 ريال السؤال هنا أذا كنت أنا شاري سيارة 2010 لكي أرتاح و يخدمني الضمان لمدة ثلاث سنوات ما فائدة الضمان أذا لم أستفد منه عند أول مشكلة ما هو أهم جزء من المفترض التركيز عليه في الصيانة بالتأكيد سنجد الأطارات أهمها من المسؤول عن الذي حدث ما علاقتي بأن أقوم بمراجعة مورد الأطارت هل قمت أنا بشراء السيارة لوحدها و قمت بعد ذلك بشراء الأطارات كانت عندي ثقة عمياء بوكالة تويوتا و أنها أفضل وكالة في أرضاء العميل و قوة الصيانة و لكن بعد الذي رأيته لا فائدة من الصيانة إذا لم يكتشف وجود عيب في الأطارات و أني أرى أنهم يقومون بتغيير الزيوت فقط و لا يراعون أي نقطة أخرى يعني حالهم حال أي بنجر في الشارع بس الفرق أنهم يأخذون أربع أضعاف مبلغ الزيت هذه رسالتي أحببت أوصله لكم و من جهتي سأحاول أوصال هذه الرسالة إلى أكبر عدد من الناس ليعرفو حقيقة تويوتا و صيانهتا و مدى قدرتها تحمل مسؤلية صيانتها المصدر http://www.haraj.com.sa/11148911/%D9...E%D9%88%D9%84/ |
هلا ... بندول
ومنور المنتدى ...:wavetowel3: وينك من زمان ؟؟؟ والخبر يستحق النشر في كل مكان حتى يعرفون الناس معنى الضمان الكاذب من الوكالات ... وهذا موديل 2010 / حسبي الله عليهم .. علشان كذا حتى الان متردد في شراء سياره جديده والظاهر اني ماني شاري وابقى بسيارتي افضل .:thumbsup: |
أنا اقترح أن مخاطبة الشركة الأم ..دف شكوتين وحدة على تويوتا وحدة على يوكوهاما على موقعهم في الإنترنت.. بالطريقة التالية ..
1- اكتب شكوتك بالعربي . 2- ترجمها عبر مواقع الترجمة الكثيرة مثل ترجمة جوجل . 3 - يفضل أن تدعمها بالصور وبرد وكلاء تويوتا ويوكوهاما عندنا . وقبل كل ذلك وكل الله سبحانه وتعالى وبعون الله سوف تأخذ حقك كامل مكمل بس الصبر، وبهذا الصنيع سوف تؤدب هؤلاء الوكلاء تأديبا .:zx:. |
طيب لماذا لاتجرب تشتكي لوزارة التجارة وتشوف ايش يصير؟
|
السلام عليكم
الي يقول اشتك للتجارة انا اعلمكم القانون من تجربة مع الزفت حسن وشنان للاطارات الماليزية الي عندهم عوضوا خوينا 50ريال عن كل اطار من الاطارات التالفة والي صادف انها اربع ولما قدمنا الشكوى للتجارة ما قصروا بس قالوا ترى على اتفاقك انت والبائع في الفاتورة يعني لو مكتوبمافيه ضمان هذا الاتفاق يعني وش فادتكم المفروض انه شغلكم اذا صار عطل مصنعي اوسوء في تقديم الخدمة هنا دوركم لكن اخوي مالك الا الله سبحانه في ذا الشهر الفضيل ونصيحة عليكم بالاطارات الي من عند العمودي او بن شيهون بالنسبة للمنطقة الشرقيه لاني مجرب والله على ما اقول شهيد |
هلا بخوي خالد1 والله لكم وحشه
وبخصوص غيابي والله ما غبت ولا يوم دايم مسنتر واقرا بس مشاركاتي خفت شوي والسبب العرس صدق من قال هم العرس ووجع الضرس رحت لمشروع ابن باز على اساس مساعدة الزواج وانصدمت شروطهم تعجيزيه منها عقد النكاح لازم في الرياض وراتبك كله مع البدلات لازم يكون 3500 وغيره من الشروط اللي ما تنطبق على احد ابد ورحت لقرض الزواج وعطوني استمارتين لازم اعبيهم من شغلي وبعدها اردها لهم واحتمال ينزلي القرض بعد سنتين هههههههههههههههه حستك معي مو موضوعنا بس هم العرس المهم الاخ صاحب السياره يتظلم ولا في جهه تشكيه لكن رب العالمين موجود وانا اول ما شفته قلت خلني اجيب الموضوع في منتداي علشان ينتشر خخخخخخخخخ شاكر مرورك |
حياك بنادول
قلناها خلوه تصدي |
الضمان الاكيد
هو سرقة العميل هذا هوالضمان المتوفر عندنا بالمملكة غيرها اطلب الله |
ارفع شكواك إلى كل من الجهتين الأم لتويوتا ويوكوهاما
وربك يسهلها ويمرمطهم والله لو علي كان سحبت بوزارة التجارة بعدما أرفع لهم وإذا ما ردوا علي خلال 3 أيام عمل أرفعها لولي الأمر وأقول له شوف الفساد منتشر حتى في وزارتك ببرقية مستعجلة والله لأخربها عليهم قال وزارة هذي الوزارة يبغى لها محكمة تحاكمها على إهمالها حقوق المسلمين والله ما في مخلوق إلا اشتكى منهم |
نصيحة ،، خاطب الشركة الأم ،، لا تسكت ارم السيارة عندهم وقوللهم بروح افضحكم ،، ولا وقفها قدام الشركة وحط عليها عبارة ( شوفوا عمايل عبد اللطيف جميل !! ) صدقني بيشفون لك حل.. وربي قهر ,, الله يعوضك خير
|
اقتباس:
من جدك انت هاذي وزارة التجار |
والله يا ريت العيوب بس في شركة تويوتا .
والله العيب في كل الشركات تقريباً , لا وكمان لا نويت تشتري سيارة من أي شركة يذبحوك بالشروط التعجيزية بالذات لو كنت عسكري أو راتبك ضعيف على بالهم مدينك سيارة طيبة والمشكلة ان السيارات كلها ورق في ورق . ويا قلب لا تحزن . |
اقتباس:
كلمك صحيح يا بو مشعل |
معوض خير اخي والله يكون في عونك ومثل ماقالو الاخوان لا تتركهم العن ابو جدفهم وهذا والله من القهر الي فيني وخذ سالفتي يمكن انا اهون منك لكن الله يكون بالعون طبعا انا غرقت في بحر تويوتا
يوم اخذت منهم كامري 2007 بعد نصائح من المغفلين والسالفه ياطويلين العمر بعد الالف كيلوا قالو جبها صيانه اولية قالوا تشيك وتغير زيت طبعا السياره جلست 3 ايام كل ما اتصل فيهم قالولي زحمه ههههههه وكلامه صحيح زحمه بسبة كل سيارات 2007 رايحه وطي المهم يوم فضى الجيب من اجار الموزينات رحت عندهم وقصدي اني اسحب السياره لا ابي صيانه ولا يحزنون ولا امداني داخل الصيانه الا الحمد لله السياره مرفوعه على البستم قال لي المهندس جيت بوقتك دقايق وينزلون السياره وتاخذ سيارتك بس قبل كذا رح ادفع هذي الفاتوره تغير زيت وتغير فلتر الزيت وفلتر التكييف وفلتر الجير قلنا اوكي انا سمعت الشباب يقولون ان الصيانه الاولى يمكن ياخذون منك 90 او 190 ريال تفاجأت بالمبلغ الي هو 600 ريال انلمخت وطقتني كبدي والمعده وووووو دفعت المبلغ وانا لم احرك ساكنا تعرفون ليه لان تو نازل الراتب وقتها وتعرفون السعودي دام فيه فلوس اصرف يلعن ابو الفقر جلسوني في صاله انا ظر سيارتي وهم لسا مانزلوها وبعد ساعه نزلوها وياريتهم مانزلوها البستم ( الرافعه الهوائية ) فيها كانت مشكله كانت تقطع يعني نزلت نزله قوية وعليها تكسرت النسافات الامامية وانتفخ الصدام الامامي طبعا لو اني مو موجود كان رقعوها لكن لاني موجود وانا ظر الحدث رقعوا الصدام تلفيق وقالو لي عندك النسافات يبيلهم تغير ولان الوظع زحمه تعال بعد يوم وهذا كلام المهندس ( فلبيني الجنسية) واعطاني ورقه تثبت الحدث والمشكله المهم اختصر رجعت لهم يوم ثاني قالو ا القطع ( النسافات غير موجوده راح نطلبها من جده انتظر اسبوع ههههههههه انتظرنا اسبوع وهنا الرد القاتل الي كرهني حياتي ولعنت اليوم الي انلخمت في هذي الشركه علما ان ذاك الوقت مقاطعه لكن وش حدك يلمسمار وبختصار الرد هو ان المهندس الي كتب لك الورقه سافر امس يعني انتظر الى ان يجي لان هو الي يتحمل التصليح والقطع طيب يعني وش لون قال انتظر شهر الى ان يجي وجا شهرين ورحت لهم وقالو لي المهندس قدم استفالته طيب ويعني قال يعني يا انك تدفع انت اسعار القطع والتصليح علينا ولا راجع المدير الصيانه قلنا نراجع المدير راجعنا المدير ناظر الفاتوره هز راسه قال راجعنا بعد شهر الا ان تجي طلبيتك نسافات قلت له شكرا لكم ورحت الى شارع سعود بالدمام وشتريت النسافات وانتهت السالفه واسف على الازعاج وهذا هي تويوتا كل يوم 25 من الشهر الساعه ثمان صباحا يدقدقون متى راح تجي تسدد القسط يفطرون عليك لا ولو تتاخر يوم واحد رسلو فاكس لرئيسك المباشر ومديرك العام وابوك وامك واخوانك كلن درى انك ما خذ تأجير ولا الان مسدد حول 90 الف ولا زالو ا منكدين عيشتك النصيحه النصيحه النصيحه تويوتا اكس اكس اكس ولا هنتوا |
الله يعوضك خير أخي صاحب الموضوع ... أخي snipr4arb الله يعوضك خير وصح لسان وفعلاً تويوتا أكس كس أكس ولا هنتوا
|
تم نشر الموضوع على صفحة مقاطعه على الفيس بوك
|
الله يعوضك خيروالشكوى لغير الله مذلة
الله لا يربحهم على ضحكهم على الناس |
وزارة التجارة وش فائدتها اشتك يااخوي والله معاك
|
اف حاجه تسد النفس وكان الله بعونك
اخاف الله يخسف فينا من هالظلم تذكرت من زمان كنت بشتري فيديو ويوم حصلته ارخص من المحلات الثانيه قالوا لي لأنه بدون ضمان الوكيل قلت: خله يخرب ونا اصلحه ولا انقهر من ظلمهم اخاف لو يصير لي مثلك ادخل عليهم الوكاله بالسياره |
أغلب الشركات ضمانها كلام في كلام
الصدق ماعاد فيه صدق |
الله يعوض عليك ياخوي.. ومايضيع حق ووراه مطالب..
|
الله يعوض عليك ...
|
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by