مراكز ومستوصفات الأسنان في الرياض
 

شكراً على التأييد جمرة غضا بس ياليت ترشحين اسم مركز او مستوصف وتذكرين اسم الدكتور او الدكتورة من اللي تنصحين فيهم .

عطونا ياجماعة نصيحتكم الله يوفقكم

الف شكر لك موضوع فى القمة



من وجهت نظرى من الناحية العلاجية والمادية ممتاز جدا عن واقع تجربة



مستوصف نسيت اسمه ولك لك الوصف شارع انكاس سابقا خالد بن الوليد حاليا

وانت متجه جنوب بيجيك شارع الكهرباء يسار روح يسار بعد ثالث اشارة يجيك المستوصف يمين وفيه دكتورة سورية بالطابق الثانى مررررررررررررة شاطرة


حبيت انى اضيف ولو ان الاضافة ناقصة بس للفائدة


تقبل مرورى المتواضع اخى الكريم وشكرا مره اخرى واسف للاطالة

وقعت انا وزوجتي بفخ عيادة الاسنان حسبي الله عليهم ونعم الوكيل قبل سنوات الم في الاسنان شديد راجعت مستوصف الخالديه الرياض ويوجد عجوز سوريه شمطاء قلت لي نعمل لك وتد وحشوة و بعد فترة سقت الحشوة وراجعت مستوصف اخر وقال لي الدكتور لم يتم عمل وتد ولا شي ؟؟ ومستوصف العالمي حي العزيزة دكتورة ايمان مصريه احذركم من التعامل معهم من سابق تجربه همهم فقط ملء جيوبهم فقط ولا يهمهم ابدا مصلحه المريض

أخوي سيفين ونخلة بيض الله وجهك على الاهتمام وماقصرت أخوي الف شكر .

أخوي ابو يزيد هذا اللي حنا خايفين منه وفي ملاحظة مهمة وهي أن الضرس اذا فشل علاجه في المرة الأولى فإن العلاج في المرة الثانية يكون أصعب هذا اذا ماخسرت الضرس او السن بسبب اتساع فجوة الضرس واحتمال كبير للكسر بعد سقوط الحشوة عشان كذا لابد من حسن الاختيار للطبيب .

أما موضوع سقوط الحشوة فهو منتشر بشكل كبير بسبب قلة المهارة لدى الطبيب وكذلك سوء المواد المستخدمة من قبل المستوصف او المركز . لذلك طرحنا هذا الموضوع لاختيار الطبيب المناسب والمركز المحترم الذي يجلب المواد ذات الجودة العالية .

شاكر اهتمامك ونصيحتك الف شكر .

من رأيي أن لا نرشح اي مركز ، لأنه ربما تتغير سياسته في العلاج أو الكوادر الطبية ، ويكن المنتدى شريك في معاناة المواطن من جديد .

اشكرك أخي على الطرح ، والله يكون في العون

اخوي الغالي ولايهون الاخوه والاخوات ابدلك على دكتور سوري انا اعامله من كم سنه وشغله تمام التمام وأول ماتجيه يسوي للسن اشاعه ويعطيك وش وضعه ويشرح لك كيف يقدر يضبطه لك وبعدين يده خفيفه ماشاءالله :thumbsup:
هو موجود في عيادات الدكتور عبدالمنان في العماره اللي بزاوية اشارة طريق عمر بن عبدالعزيز مع شارع عنيزه فوق البنك البريطاني
امام سوق الخضار بالربوه .. اسم الدكتور محمد ثابت الخضري .. وسعره مثل السوق او اقل .. آمل اني قد افدتك ... تقبل تحيتي

السلام عليكم ورحمه الله وبركاتة
مساء الخير
والله موضوع جدآ جدآ هام والف شكر
انا اعارف مستوصف في دكتورة والله جدآ ممتازة هي مصريه
و اسم المستوصف البستان في جنوب الرياض طريق الحجاز سابقآ ( الامير فيصل بن عبد الله)
تقبلو تحياتي

أخي الزهاري

أشكر لك أخي العزيز التوجيه الراقي وأقدر لك إحساسك بالمسئولية كونك أحد المشرفين الذين يحملون هم الإشراف على هذا المنتدى المميز . وللتوضيح نحن هنا في هذا الموضوع نسعى بالدرجة الأولى لطرح أسماء أطباء مميزين في مجال علاج الأسنان من خلال التجارب التي يطرحها الأعضاء والتجربة هي خير برهان بغض النظر عن شهادة الطبيب أو موقع المركز .

وعندما يذكر اسم المركز أو المستوصف فهو يذكر لأجل توضيح مكان عمل الدكتور لكي يستطيع المريض مقابلة الدكتور في عيادته . بغض النظر عن تغير السياسات للمركز كما ذكرت فالمهم هنا هو الطبيب بالدرجة الأولى ولا أعتقد ان هنالك طبيب جيد ومتميز يتغير ويصبح طبيب فاشل مع مرور الوقت .

ماقصرت أخوي الله يجزاك خير وبالفعل الأشعة مهمة جداً قبل العلاج وسمعنا عن حالات كثيرة تم علاجها دون ان يقوم الطبيب بعمل الأشعة للأعصاب ونتج عن ذلك أضرار بالغة لأعصاب الوجه كفانا الله واياكم الأخطاء الطبية .

أخوي هواوي شكراً على الاضافة بارك الله فيك .

أخي درويش
منور المنتدى
الساعة المباركة والله اللي تشاركنا ولو دارين كان من زمان منزلين الموضوع . وماقصرت على الإضافة الرائعة خصوصاً وانها من واقع تجارب عديدة مع تمنياتي لك بدوام الصحة والعافية وبأسنان رائعة كروعة مشاركتك .

فيه دكتور ممتاز تعاملت معه في نص اسناني جلست شهر كامل اصلحها ولي سنة و 6 شهور ماشكيت شئ
وايده خفيفة ويسوي اشعة للاسنان متى ماتطلب ذلك ولا ياخذ براي المريض بل يحرص
على الافضل وتقدر تاخذ موعد واذا جيت دخلت على طول بس انتظار 5 دقائق
والاسعار زي السوق واقل حسب عدد الاسنان يكون تخفيض كويس

اسمه د.مرهف حمامة سوري في عيادات المئوية حي السلام الرياض شارع الزبير بن العوام قريب من الدفاع المدني بس بالمقابل من الشارع
موجود تلفونهم في الدليل

الله يجزاك خير ماقصرت شكراً على المعلومة .

وعليكم السلام ورحمة الله وبركاته

انا انصح بذكر القائمة السوداء بدل البيضاء.. حتى نساعد من يبحث أن يجد ضالته

الله يجزااااااااك خيــــــــــــر عالموضوع,,
واحنا عارفين انها تجااااارب الناس ممكن تصيب وممكنت ماتصيب,,,
لكن احنا وخاصة السكان الجدد بالرياض محتاجين لهالتجاااااااااااارب ,,, حتى نستفيد...

- بالفعل كما ذكر الإخوان يجب وضع قائمة سوداء لعيادات الأسنان والمستوصفات والمستشفيات التي تتاجر بصحة المسلمين حسبنا الله عليهم والله لا يوفقهم .

- واحذركم من مركز المهيدب للأسنان بالعزيزية ( جنوب الرياض- طريق النصر )
دكتور في الثلاثينات ( رقم الغرفة 3 )
فقد أخذت طفلين عندي وشال السوسة وعمل حشوات
بعدها بفترة قصيرة طاحت الحشوة من أحد الأطفال
والطفل الثاني انتفخ ضرسه ورحت لهم وكلمت المدير سعودي حسبنا الله عليهم
لكن لاحياة لمن تنادي من يسمع صوت المستهلك لا أحد ،،،،،
حسبنا الله عليهم وعلى المسؤولين جميعا ،،،،،،،،

يعطيكم العافيه على هالموضوع الاكثر من رائع والله صادقين مستوصفات الاسنان صارو اهدافهم ربحيه بحته

السلام عليكم

اوصيكم ونفسي من غير شر بالدكتور / ياسين ( سعودي )

اخذت عنده كذا جلسه ، والحقيقة مهارة عالية وخفة يد، ربنا يوفقه

الوصف :

وانت طالع من انكاس ورايح غرب لمخرج 10 يكون على يدك اليمين / مركز الماس الطبي - الدور الثاني



مع تمنياتي للجميع بالسلامة

شكراً لك أخوي على طرحك للموضوع

حتى أنا ابحث عن مستوصفات ذو خبره عاليه

واتمنى احصل مبتغاي

ذكرتوني بمستوصف في طريق المدينة عاد معروف جيت ذاك الدكتور يمدحونه ويوم دخلت الغرفة الا والدكتور مشغل القران ياسلام وبعد ماشاف مشكلتي عطاني الحل قال عندك حلين الاول نشيل الاسنان الامامية ونسوي رزاعة والحال الثاني نشيل اسنانك يعني صدمة مشيولة مشيولة ورحة للحرس وشافو الاسنان وعلمتهم وش قال اخونا قالو وشو سوو اشعة واجتمعو على راسي قالو خير الدعوء مايبغالها الاتنظيف وكذا جلسة ومن القهر اسولف لواحد واكتشفت انه كان شغال عندهم وعلمني خربيطهم والي يراجع عندهم يكتشف ان بعض الدكاترة مايطولون عندهم يااقصب ياتوكل على الله

انا رايح اذكر تجربتي الزينة مع مراكز طب الاسنان لان التجارب الشينة كثيرة بس راح اركز على التجربة الزينة زي ماقلت.
قبل فترة صار لي حادث سيارة (ولله الحمد) وفقدت بعض اسناني وطبعاً فوق اربعين سنة يعني ماعاد فيه اسنان لبنية يعني لازم اركب اسنان عشان تصير الخشة مقبولة.
لفيت الرياض كله وسألت افضل طريقة لتعويض الاسنان المفقودة كلهم ايدوا زراعة الاسنان وعلى كثر ما سألت ولفيت الله اكرمني باحد الاقارب يعمل في قصر الامير عبدالعزيز بن فهد دلني على دكتور الامير وهو اللي سوى له الزراعة الله يوفقه اسمه الدكتور سعيد كناني في مركز مالين الاستشاري لطب الاسنان بطريق الملك عبدالله رقم تلفونهم 2055577 الحقيقة المركز ررررررائع ويقدم خدمة طبية راقية وجميع الاستشاريين عندهم سعوديين وخريجين جامعات امريكية

أشكر جميع الأخوة الأعضاء على تفاعلهم الرائع مع الموضوع ونطلب المزيد من التجارب الناجحة من بقية الأعضاء لجمع أكبر أقدر ممكن من تلك التجارب ليستفيد منها الجميع .

تحذير : انتبهو ا من عيادة الشامل لطب الأسنان
أنا كتبت موضوع عنهم و اسم الدكتور هو وليد بهجت اسطفان \سوري
للمعلومية : عمل لي خلع لضرس العقل و هو مو من اختصاصه اصلا لان هو تقويم حتى التقويم ما يفهم فيه ! حتى قريب قبل لا تصير المشكلة قال : متى تحبين تخلعين الثاني ؟!!
و لمن فكيت التقويم و حطيت ال retainer عمل لي هذاك النوع اللي خلف الاسنان بالصمغ , والله العظيم انه لمن ينكسر شي من الصمغ يركب صمغ فوقه من غير تنظيف و يقول أنه نظف وهو ما نظف و لا شي ! تخيلوا الصمغ فوق الصمغ غير أنه لمن رحت لدكتور ثاني قال : هذا تلييص ! استهتار غير طبيعي
و هذي العيادات تبع البروفيسور \ عبدالله الشمري اللي ماسكها الحين ولده محمد اللي لمن اتصلنا عليه بعد ما صارت المشكلة اللي اكتشفنا بسببها مشاكل ثانية , رد علينا بكل استهتار : عندكم وزارة الصحة !

هذا الموضوع كتبته أختي عن تجربتها و تجربتي :


بسم الله الرحمن الرحيم

انا حصل لي خطأ طبي مقصود من طبيب ماعنده ذره رحمه انا رحت لمركز الشامل لطب الاسنان عند دكتورالتقويم وليد اسطفان اقسم بالله اني اكتب هالكلام وخانقتني العبره لاني مو قادره اخذ حقي ولان الخطأ ماكان خطأ مو مقصود بل كان مقصود واكتشفته عن طريق الصدفه لانه شوه اسناني تخيلوا جابلي الاداة اللي ينحتون فيها السن لوضع تلبيسه وفتح بين اسناني اللي تحت فيها فتحه مشوهه لانه دائما لما ينظف اسناني يكسر اطرافها ولما اسأله ليه يقول عادي اسويلك تنعيم ويروح بس اخر مره صار المنظر مأساوي ولما سألته هالمره جلس يصارخ بكل وقاحه ويقول اطلعي برى شوفي دكتور غيري تخيلوا فك الشد وقالي اطلعي وكان في رمضان جلست 3 ساعات في الانتظار لانه كان رمضان وفي الليل ومافيه دكتور اقدر اروحله ولوتركت اسناني بدون شد انتم عارفين انها بتخرب المهم جلسوا الدكاتره يقنعونه لحدماوافق حسبي الله عليه واقسم بالله ان من قوة الحقد انه شدلي شده صحيت ثاني يوم ظلوع صدري تعورني من قوتها المهم رحت لدكتور ثاني وهنا كانت المصيبه قالي يابنتي اصلا كل هالتقويم غلط اماكن الحديد كانت مايله كأن بزر صغير اللي مركبها وبالمناسبه اللي ركبلي الحديد الممرضه هو ماله خلق طال عمره رحت ل 4 دكاتره وكلهم انذهلوا من المنظر واذكر اني لما كنت اسأله اقوله الحديد مايل يقول لا عادي هو مفروض يكون كذالانه ماله خلق يفك ويرجع يركبها صح ,المهم انا الحين اسناني اللي تحت صاروا نحاف بسبب لعبه فيها وفكي شبه مايل والله العظيم ان صارت مخارج الحروف غلط صرت استحي احكي ولما ابوي كلم صاحب العياده اللي هو محمد الشمري ولد البروفيسور عبدالله الشمري صار يكلم ابوي بكل استهتار يقوله عندك وزاره الصحه وعلى فكره هذا الدكتور عمل لاختي (أنا) عملية جراحه ضرس العقل مع انه مو اختصاصه ضرس العقل فيه ناس ماتت بسبب عمليات ضرس العقل اذا كانت خطأ , واشتكيت وزارة الصحه ولماوزارة الصحه يرسلون واحد يحقق العياده تقول الدكتور مو موجوده مارجع من اجازته مع العلم انه راجع ويمارس مجزرته في الناس انا كتبت قصتي عشان احذر الناس من هذاالدكتور ومن هذي العياده اللي تستهتر بأرواح الناس واللي يقدر يفيدني برأي بكون شاكره له حسبي الله ونعم الوكيل انا كنت رايحه بصلح اسناني طلعت بتشوه واهانه

طيب يالاجاويد تكفوووون دلوووني على دكتوره شاطره واسعارها مو غاليه

انا عندي سن باللثه يبيله جراحه وشيل ماابي دكتور لاني لقيت كثير ابي دكتوره

الله يسعد الي يرد علي الي يشوف هالرد ويعرف احد يرسلي خاص

المهم تكون فاهمه بالجراحه مب تجزرني غير كذا مب غاليه

في عيادات ذا كلنكس ممتازين عندهم دكاترة الاسنان شطار ماشاءالله

للي حاب يحجز عندهم هذا رقمهم 4651919 وموقعهم www.the-clinics.com/ar

يعطيك العافيه






دكتور اسنان