سجادة كاش والثانية ببلاش عند القفاري
. . . . . . عرض عند القفاري للسجاد يسري طول ايام رمضان على حسب اعلانهم (سجادة كاش.. والثانية ببلاش) أي عند شراء العميل سجادة من أي من النوعيات سيحصل على سجادة أخرى مجاناً من نفس النوع والمقاس يهديها لمن يحب مشاركة منا بتقديم الهدايا والعروض لعملائنا احتفالاً بشهر الخير، والعرض ساري بمعارض السجاد في السعودية والإمارات وكذلك العروض الخاصة على الباركيه والموكيت وسجاد المساجد وسجاد الأفراح |
لا تنغرون بالقفاري
في السنة الماضية قال عنده تخفيضات تصل لـ 70% على طول رحت لهم في العصر وقلت وين التخفيضات قالوا على هذي المجموعة فقط ، المجموعة هذي عبارة عن باقي موديلات قديمة من السجاد (قطع صغيرة تقريبا 1×1.5) . هذه تجربة والمحل الي رحت له في اسواق بن دايل |
صحيح غالي لكن جودة |
الدعوى عملية نصب جديدة
انا جيت فرعهم في حراج ابن قاسم ، وكنت ابغى قطع ممرات واستراحات ، المهم حصلت عنده قطعة بحدود 700 قلت خلني اشوف المحلات اللي بجنبه وارجع له ، المحل اللي بجنبه على طول من جهة الجنوب ، حصلت عنده نفس المطلوب واخذت من عندهم 3 قطع ب 450 ، يعني القفاري ماخذ حق اللي ببلاش من الكاش اللي دفعته ما وراهم لاحسيب ولا رقيب هذا ذكرني بجارنا راح لوكالة سيارات مسوين عرض في الجرايد وووووووووو ويوم جاهم وسألهم عن العرض قال له الموظف : هذا كلام جرايد |
اقتباس:
لكن ما عندك احد .. العرب جرب ما يتبهوا من خبطات غيرهم ، لازم كل واحد ينخبط بنفسه علشان يصحى .. |
اقتباس:
على كل حال ، نشكر اختنا جمرة غضا على الموضوع لأنه يفتح عيون اخواننا في المنتدى على لعب القفاري وغيره |
شكرا لكم وعلى تنبيهكم ,
أحد عنده خبر عن محلات السريع والفوزان ؟؟؟ ............................................. ودي اعقب على امور اكيد انكم تعرفونها : تلقون نفس النقشة ونفس السجاد لكن يختلف يكون الخيوط تركية ونسج في السعودية ,وممكن ان تكون الخيوط تركية والنسيج في تركيا , او امريكي عدد الغرز في المتر يختلف , سمك الغرزة يختلف , ثبات اللون : في سجاد يتحمل صابون وكلوركس وفيه سجاد يقلب لونه من صابون فقط (اتكلم على خيوط الصوف والخيوط الصناعية غير الحرير , الحرير له تنظيف خاص في الشركات ) اخذت منه من فترة موكيت المسمى سجادة نقشه شعبية مترها بـ 90 ولقيتها في محلات نفس الصفة بالاربعينات لكن فيه اختلافات سماكة الغرزة و عددها لصالح القفاري. مع اني واثقة ان سعرها غالي عليها لكن وش السواة افضل من غيره ........................ |
كلامك صحيح ياجمره غضا...........انا توني خالص تأثيث بيتي وجلست فتره ادرس السوق فابخصوص السجاد وبأمانه لقيت القفاري للسجاد افضل ما في السوق من حيث جوده النوعيات ايراني اصلي وبلجيكي اصلي وتركي اصلي موديلات وخيارات عديده حطيت المجلس سجادحريربلجيكي اصلي كلاسيكي والصاله تركي مودرن محفر والغرف الفرو اليدوي اللي يلمع مررررررررررررره حلو زوجتي واهلها اعجبهم كثير وانا شريت منهم قبل العرض ولما شفت اعلان بالجريده سجاده كاش والثانيه ببلاش رحت لهم ولقيت نفس السعر اللي شريت فيه وعليه سجاده هديه وزعلت واتكلمت مع مدير المعرض قال اولا انا مبسوط انك زعلان لانك كنت شاري بالسعرقبل العرض وجيت وشفت العرض وعرفت مصداقيه عروضنا ثانيا العروض هذي موسميه من المصانع اللي حنا وكلاء لها والله هذي شهاده حق لهم........علما اني لقيت نفس الرسمات عند جيرانهم وارخص بس الخامه والنعومه وعددالغرز يختلف%يعني تقليد وراعي المحل يقول هذي صناعه سوريه واللي عند القفاري بلجيكي مع ضمان وراح ارفق لكم صور السجاد اللي شريته من القفاري ان شاء الله يعجبكم
|
بخصوص السريع انا زرتهم كل بضايعهم صناعه سعودي واكثر اللي عند السريع تقليد نقشات القفاري على خامات وطنيه من مصنعهم اللي بجده بس ما اعجبتني النوعيه ولا الالوان كلها خشنه وباهته بس اعجبني عند السريع الموكيت سدو وانا شريت منه للخيمه والفوزان للاسف ما اعرف عنه شي ولا زرته
|
خذوا العبره
والله القفاري بضاعتهم مرررررررره حلوه وجودتها ممتازه والوالده عميلتهم من سنوات ...
قبل حوالي تسعه اشهر رحت وشريت سجاد مو من القفاري وصراحه ما علمت الوالده لان الوالده ما تشري الا من القفاري وبتزعل مني اذا شريت السجاد مو من القفاري ... المهم شريت السجاد وجلس فتره قصيره معنا وطلعت العيوب اول شي اللون وبدأت العيوب تطلع في السجاد والولده كشفت على السجاد اللي شريته وعرفت انه من محل ثاني وزعلت مني وانا زعلت على نفسي و على صديقاتي لانهم ضحكوا علي وقالوا سجاد القفاري غالي والمحلات الثانيه ارخص ونفس الجوده والله اني متندمه اني شريت السجاد و لاني زعلت الوالده عاد تصدقون ان السجاد القفاري باقي جيد مع العلم انه له مده كبيره معانا .... الدنيا دروس والحمدالله اني استفد من خطاي وشكرا للجميع |
حياكم خالد ودلوعه
ليس كل غالي نصاب وليس كل رخيص افضل والعكس ايضاً صحيح نبحث عن الجودة والسعر ونستغل فرص التخفيضات يعني بصراحة سجاد ايران او تركي اصلي ما استحسف عليه قيمته لانه يعيش معك يعمر وكنه جديد |
والله شهاده حق ياا خت غضا القفاري للسجاد افضل شركه من حيث الموديلات وجوده النوعيات الكل لما يشوف سجاد بيتي يقول من وين جايب هالسجاد من برا؟وانصحهم بزياره معارض القفاري...لان قطع السجاد على الرخام تخليه احلى ومنظر ثاني وابوي يقول البيت بدون سجاد مثل الراس الاقرع وان احب اثاث البيت واتفنن فيه...راح ارفق لكم صور لسجادي للاستفاده مع ان التكلفه كانت متوسطه يعني مو غالي ....
|
السلام عليكم ورحمة الله وبركاته
بادئ ذي بدء القفاري زاحد اشترى منهم سجاده بقيمة 300 ولما جاء عرض خصم ب70% عندم قال ابروح اشوف الاسعار عندهم لقى السجاده نفسها زايده قيمتها سبعين بالميه ( الى متى يغشونا هالناس ) يلعبون علينا الى متى |
صحيح انا قابلت زاحد وقالي هههههههههههههههههههه نبي ننكت شوي لاننا مكبوتييييييييييييييين
|
شكرا لكم
قلت انه غالي لكن يحمل جودة اقصد لو اخذت منه بسعره المرتفع مهنا خسارة مثل السجاد الارخص وجودته اقل تضطر انك تغيره وتخسر ,, سجاد القفاري يصبر وكانه جديد لا للون يبهت ولا يتغير مانجو :) اجل شكلكم تنكتون علي كثير <<<< انا اكثر وحده تغلط بالكتابة :) |
خلاص يا جمره غضا بروح للقفاري وباشتري اغلى سجاده.وبرسلها للبنان العزيزه.
|
اقتباس:
ودي مرة اسمع اللبنانيين اللي بسعودية جمعوا تبرعات لاهلهم:cool: ويتواصل العطاء..المملكة (الانسانية) تمنح لبنان مراكز لطب الاسنان وغسيل الكلى والتقنية |
زاحد ذائد زاحد يثاوي اثنين <==== معليش يحاول ينكت
بس في ناس في العويس وناس في بن دايل وناس في اسواق عندهم نوعيات جيده من الزل والسجاد واسعارهم معقوله ان قدشريت من محل في العويس سجاده قمه |
احلى يا قمه..........
|
يا رجال في السجاد ما فيه احسن من القفاري اسئل مجرب
|
لايضحك عليكم القفاري ... اتذكر قبل ثلاث سنوات زرت القفاري لأشتري سجادة بفرع ابها المجاور لأسواق الغنيم وسألت أبو يمن عن سعر السجادة وقال لي ب100 ريال وبعد فترة حوالى شهر قرأت بالصحف عن هذا العرض اشتر سجادة واحصل على الثانية مجانا ورحت .. تدرون بكم ب200 ريال وقلت له قبل شهر كانت ب100 وأنكر وضغطت عليه وحلفت له أنها كانت ب100 تدرون ويش قال .. قال والله أنا موظف ومالي دخل .
|
حياك جميع
مافيه محل الا وضحك على المواطن نصيحة سعروا قبل الشراء واحرصوا على السعر+ الجودة |
القفاري اسعارهـ غاليــه ..
مره حصلت قطعه اعجبتني عندهـ بفرعهم اللي في اسواق بن دايل .. ورحت للمحلات الثانيه وحصلت نفس القطعه اقل من سعرهـ بكثير مع العلم ان القفاري مسوي تخفيض وقتها .. |
| الساعة الآن 05:33 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by