تكفون لاتبخلون علي/ ماهو أفضل مكيف شباك عالي الجودة اطلب منكم النصيحة
السلام عليكم ورحمة الله وبركاته
كيف حالكم جميعاً في منتدانا المميز والاعضاء المميزين ولايهون منكم احد اخواني انا عندي مجلس بعد التوسعه صار تقريباً 8 في 7,5 يعني الحمدلله المجلس كبير وحاط بواجهة المجلس فتحتين شباك لمكيفين وابي منكم النصيحه بمكيف عالي الجودة والتبريد وانتم تعرفون جونا موت حر وابي بالبرد ينفعنا بالتدفئه وش تنصحوني فيه ماابي احد يقولي خذ سبليت لاني شايله من راسي وعندي بالبيت ثنين منه وابي مكيف شباك ابي اسوف النصائح علشان اتوكل على الله اخذ الافضل..! وبنتظار ردودكم المميزة اخوكم / وليد |
حياك اخوي
شف هالموضوعين فيها تجارب الاعضاء مع المكيفات اتمنى ان تستفيد من ذلك اللي اشترى مكيف شباك من فترة قريبة ياليت يتفضل (https://www.mqataa.co/vb/images/style.../multipage.gif 12) تعبت شفولي حل (https://www.mqataa.co/vb/images/style.../multipage.gif 12) ____ ___ __ __ __ ___ __ مكيفات فوجي وسوني فيه من يمتدحها واهم شي لاتكون المكيفات مواجه للباب :) |
تبي النصيحة .. عليك بمكيف او جنرال مكيف لا قبله ولا بعده ..
وينزل بإسمين الاسم الاول فوجي والاسم الثاني او جنرال وكلها نفس المكيف .. واسئل مجرب .. والله يوفقك للحصول على افضل المكيفات .. لا تنسانا من دعائك .. |
مكيف جبسون أنا اخذت منه 3 مكيفات والحمدلله مية المية.. بس تتأكد من الكمبروسور نوع (بريستول) أمريكي.. فيه فائق الهدوء والابيض والنوع اللي شريته تيربو.. وعلى كلام بائع انها كلها نفس الشئ ولكن عشان تصريف البضاعة.. الآن له أكثر من 5 سنوات والحمد لله لم اشتكي ولم أوديه صيانة وشغل ممتاز..
بالتوفيق |
بحكم تجربتي فيه هاي كول
ممتاز وفيه نوع ثاني برضه يرجع لا كول بس نسيت اول اسمه جيد بس هاي كول ممتاز |
اقتباس:
|
اقتباس:
وربي يكتب الي فيه خير |
إذا بتاخذ نوع أمريكي تجميع وطني تأكد أهم شي من شغلتين..
الأولى: أن يكون الكمبروسر من الحجم الكبير. والثانية: أن تكون قاعدة المروحة مثبتة في أرضية المكيف وليس في ظهر الجهة التي من الأمام . وبالنسبة لي أنا أفضّل مكيفات (الزامل كلاسيك) أو ( كارير ) الدفعة الأخيرة الحديثة لأنها هادئة . |
غرفتين مايصلح فيها الشباك غرفة النوم والمجلس .. تقعد تصايح عشان يسمعونك الرجال
لكن بما ان راسك يابس انصحك بجبسون مجربه انا قريب شاريه من المنيع 1250 ريال كبرسر كبير امريكي تجميع سعودي 18 الف وحدة بس ترا صوته عالي وعاني قلتلك طبعا فيه اقتراح افضل تاخذ لك مكيف واحد 24 الف وحدة ويكفيك عن اثنين |
بارك الله فيكم جميع ولايهون احد .. يجماعه سألت واعجبني المتسوبيشي 24 الف وحده
وش رايكم فيه كمكيف ابي الناس الي جربوة كم سنه وكيفه من ناحية الصوت هل هو مزعج ولا لا |
اخي الكريم مكيف 24 مايكون هادئ عاده
اما ميتسوبيشي 18 الافضل في السوق مع او جنرال ادا مكانك كبير ركب سبلت والفني يشوف الغرفه ويختار المناسب للك 24 او 30 ولو ارتفع السعر ريح راسك |
الزامل كلاسيك
والكمبروسر الامريكي اللكبير لاي شركه |
عندي غرقة نوم 6 *4.5 حاط فيه مكيف افير 24 وحده اعتقد كذا اسمه
ماشاء الله تبريد كويس جدااا بالنسبه لك المساحه اكبر حط واحد 24 والثاني 18 |
مسيتوبيشي دايا وسانيو وجنرال, هذه هي الاقوى بلا منازع.
ومكيف وسيتنج هاوس جميل جدا رائع وبارد وهادى جدا وهو منتج من قبل شركة ويستنج هاوس الامريكية وهي شركة قوية وكبيرة. والاسبليت عيبة في فاتورته مكلفة جدا. |
تبغى مكيف مثل تويوتا هايلكس
عليك بالزامل كلاسيك 24 وحدة كمبروسر كبير انا عندي 9 وماشاء الله تبارك الله القوووووووووووووووووووووووووووووووووة |
اقتباس:
|
تـبـي الـعـلـم ..... الـمـكيـفـات تـوافـيـق مـن الـلـه ..
تـشتـري مـكيـفـيـن مـن نفـس الـشركـة وتـحـصـل واحـد أفـضـل مـن الـثـانـي .. هـذه وجـهـة نـظـري .. وعـن تجـربـة حديـثـة .. سامسونج 24 الف حـار بـارد وهادي ممتاز مش بطال .. |
اقتباس:
فعلا نصحني فني سعودي بأخذ الجيبسون لكن شرط الكبرسور امريكي كبير ، والافضل تشتتري طنين (24الف وحدة ) وليس طن ونص حتى ولو الغرفة صغيرة لأن متقبلا ممكن تنقله الى غرفة أكبر أو تبيعة بمبلغ مجز |
وين افضل مكان يبيع مكيفات ميتسوبيشي دايا 188 بالرياض ؟
|
شريت خمس مكيفات ميتسوبيشي دايا 18 طلع الواحد ب 1920 ريال من المنيع بحراج بن قاسم تبريدها عالي بس صوتها مزعج وخصوصآ اللي حطيته بغرفة النوم طلع صوته مزعج اكثر من الباقين مدري ليش ؟
|
اقتباس:
الان الزامل الكمبرسر الكبير يجي هندي مو امريكي لكنه على حسب كلام الكثيرين نفس الامريكي بالجوده ! |
رد
السلام عليكم
والله يأخي موضوعك قديم لكن أحب أن أشاركم بالرأي أفضل شي من وجهة نظري المتواضعة طبعا Mitsubishi لكن مشكلة مكيف ميتسوبيشي أول شي أنه نوعية قديمة ثانيا وكيلة تعبان وللمعلومية وكيل مكيف ميتسوبيشي إلكتريك مو ميتسوبيشي دايا لا دايا وكيلة أبار وهذا شي ثاني أنا أقصد Mitsubishi Electric مشكلتها يأخي أنه وكالتها تعبانة يعني نايمين بالعسل ومطنشين أي عروض أو تخفيضات أو إعلانات نهائيا وأسمها الشركة السعودية للإلكترونيات صاحبها واحد من أبالخيل كان لهم فرع بالشرقية وسكر ولم يتبقى إلا المستودع بالميناء بالدمام أما إذا أنت بالرياض فأنا بنفسي جيتهم مكانهم يا دافع البلاء بعيد جدا وغير كذا بمكان نائي ومنعزل عن الناس حصلته بالمستودعات اللي جهة مصنع السمنت قريب من مصانع الغلال هناك مستودعات كثير للإلكترونيات مستودعهم كئيب فعلا تقول مبنى مهجور لكن شهادة لله كل اللي عندهم أصلي بأصلي ياباني ياباني من النوع القديم بكرتونه وأسعارهم غاليه عندهم طن ونص 18000 يعني تقريبا 3800 ريال بارد فقط 24000 وحدة يعني طنين تقريبا حول ستة وخمس إذا ماخاب ظني أما 30000 يعني طنين ونص حول سبعة وميتين إذا ماخاب ظني لكن عزالله ركب وأرقد وأمن لمدة عشرين سنة أو يمكن أكثر قدام إنسى شي أسمة صيانة اللهم تنظيف فلتر وبس أما غيرة كبر المخدة لأن هذا يجي ياباني ياباني أصلي مو لعب مو صيني أو ماليزي أو تايواني عندهم الدرجة الأولى ياباني ياباني وعندهم ياباني تجميع بريطاني U.K وعندهم ياباني تجميع تايلندي وأغلي شي ياباني صحيح غالي لكن لك وللزمن كد ومد زي مايقولون لأن هذا ميتسوبيشي أصلي وأعتقد الأعضاء يفيدونك بالنسبة لي أخذت واحد 24000 يعني طنين صحيح شكلة ومنظرة قديم والريش لعلمك مافيها إكتروني لا توجيها كله يدوي وريموت أبوسلك القديم يعني ريموت إلى المكيف مرتبط بسلك لكن يكفيك جودته وقوة ماطورة مو مثل اللي منتشر بالسوق أغلبها طبعا يا صيني يا ماليزي يا هندي أو غيرة من نوعية مشي حالك هذا شي لك وللزمن ركب وإنسى مرة وحدة أما إذا تبي أنت أو أحد الإخوان موقعهم أو وصفهم أنا مستعد أوصف لك موقعهم وأي سؤال أو أستفسار أنا حاضر لك وللإخوان وأسئل الله لي ولك ولكل الأعضاء التوفيق |
المشراق انت تتكلم عن مكيف اسبلت ولا شباك؟؟ مانيب خابر مكيف شباك بريموت
على كل حال مالله بحادنا نشتري بهالسعر الخرافي وهو مجرد فرق العملة بين الريال والين .. انا عندي مكيف جبسون امريكي تجميع سعودي ضمان خمس سنوات على الكمبروسر .. والحمدلله تبريده طيب . شاريه بسعر 1250 ريال . يعني بهالسعر اقدر اشتري ثلاث مكيفات بدال مكيف واحد متسوبيشي !! |
رد
أهلين أخوي جو ساقان يامرحبا بك
نعم اللي أتكلم عنه هو سبيلت ميتسوبيشي شباك لا لا يوجد عندهم شباك ميتسوبيشي إنتهى زمان منقطع من المصنع موقفينه أنا أتكلم عن السبليت من النوع القديم سلمك الله أبو ريموت بسلك عندهم لهالحين يباع أنا روحتي لهم كانت قبل رمضان بأسبوعين ثلاثه تقريبا عندهم القديم الأصلي أبوريموت بسلك للمكيف يعني مرتبط بسلك مباشرة وعندهم سلمك الله Mitsubishi mr.slim هذا يجي ياباني ياباني أصلي هذا لأنه ماحد يجيهم يبي نوع قديم لكنه للأمانه أصلي لك وللزمن ركب وأنسى ألحين زي ماقلت الناس تبي صيني أو ماليزي رخيص بألف وخمس إلى الألفين مشي حالك ماعاد الناس عندهم فلوس وطخطخة زي أول الناس تبي رخيص وزين صحيح نعم أتفق معك سعرة غالي جدا ولذالك لعلمك ماعندهم محل يبيع مباشرة يبيعون بالمستودع حقهم جهة مصنع الإسمنت لأنه زبائنهم قليل جدا يجونهم يكشون الذبان على قولتهم :blush: لأن سعرهم غالي ومكيفاتهم قديمة أي إستفسار أنا حاضر وربي يوفقك |
MR SLIM مكيف قوي ويستاهل بكم ارخص نوع منه
|
رد
السلام عليكم
بالنسبة لسؤالك عن mr.slim هذا سلمك الله ياخوي يجي ياباني ياباني وفية يجي منه ياباني إنجليزي اللي أذكرة أنه قالي يجي طن ونص مطور يعني 20.000 وحدة يعني أكثر من طن ونص وأقل من طنين زي هذا اللي بالصورة http://www.kalosflorida.com/service_ac_ductless.cfm وشفت عندهم mr.slim يا طويل العمر طنين ونص يعني 30.000 وحدة http://i53.tinypic.com/2ilh56p.jpg تقريبا قالي حوال الستة وخمس لكن أكيد حول الستة الالاف وعندهم سلمك الله الدولابي زي اللي بالمساجد وعندهم باكج Package يعني اللي يجي تمديد لكذا غرفة ويحط فوق السطح وعندهم نوع يقاله سلينغ اللي يعلق بالسقف نفس النظام القديم ياباني اصلي http://i51.tinypic.com/27xkyb.jpg متوفر عندهم بأختصار لكن مشكلتهم إدارة تعبانه جدا مكان غلط عروض مافيه تخفيضات مافيه ومكانهم صعب يدله الواحد بجانب مصانع الغلال اللي عند شركة السمنت أصلا من يوم شفت لوحة محلهم وأنا غاسل يدي :crying: حسيت أنها من أيام الثمانينات مصدية وأكثر الكتابات منمسحة مكتوب عليها الشركة السعودية للإلكتروينات وعليها علامة الميستوبيشي لكن كل اللي عندهم أصلي MITSUBISHI MADE IN JAPAN MADE IN UK |
ميتسوبيشي الشباك والله من الازعاج تحسفت اني شريته يا خسارة الواحد ب1920 ريال
|
ابو نواف
يارجال اهم شي البراد ثلج https://www.mqataa.co/vb/images/icons/icon7.gif لكن الي عندك 18 والا 24 ؟ |
هلا اخوي الركن اللي عندي 18 صحيح براد لا يعلى عليه بس مزعج شوي
|
جزاك الله خير يالمشراق ..
|
1-او جنرال ومن نفس شركة تشيكو اعتقد صيني وارخص
2- ال جي خذ صناعه كورية اعتقد اسمة tatin وفية بعده بدرجة الوطني فرش وبعده سمارت 3-جبسون كيوا الكمبروسر حقه كبير 4- دايكن ياباني تجميع تايلندي في جدة وكيلة اذا ماخاب ضني ابار في الهندوية عند عمارة اباروزيني السودة عند الدوار تحت الكبري وانت متجة لسوق الجنوبية والمحمل هذا اللي قدرت اتذكرة اتمنى لك التوفيق |
المهم انة هادي ونسبة الحديد بة قليل ...خوفا من الصدا والتأكل السريع
المتسوبيشي ممتاز لكن مشكلتة الصداء |
أنا مجرب إل جي لمدة 5 سنوات وذبحني بكثرة خراباته فانحش عنه, وحاليا انتقلت لغرفة مساحتها 5.5*6 واشتريت كارير (كمبرسر كبير) ميزته يكون الكمبرسر شد بلد أمريكي, لكن تجميع باقي القطع ماليزي, بينما الكمبرسر الصغير يكون كله تجميع ماليزي بما فيها الكبرسر, الشاهد إني جربته في الصيف الماضي ولا أصبر إني أرفع المكيف على أعلى شي, أحطه على تبريد منخفض من قوة برودته, لكن صوت الكمبرسر عالي, هذا قد يكون العيب الوحيد, وسعره حول 1400.
|
أخوي المشراق ممكن توصف لي مكان مستودع المتسوبيشي
|
جنرال المتبولي او فوجي ممتاز
|
| الساعة الآن 05:27 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by