أفضل محل يبيع اجهزة منزلية هو فرست ... وابعدوا عن النصاب اكسترا !!!
افضل محل اجهزة كهربائية والكترونية هو فرست
محله على طريق الملك عبدالله غرب الشيراتون وتراه ارخص من اكسترا النصاب أقل شيء ب 50 - 60 ريال وياليت تتأكدون من اسعار الاجهزة من محلات الموزعين المنتشرة في شارع العليا وخاصة العساكر والمنيع والبسام |
ونعم الصيت باكسترا اكبر نصاب على وجة البسيطة فكيف الان مع ا رتفاع الاسعار
بعد تهربة من احد الزملاء ياصلاح جهازة الجديد والتملص منة غسلت يدي منة النصاب مودتي |
بارك الله فيك ..
سنقاطعهم .. حتى افلاسهم .. |
|
والله يا اخوي من رايي وهذا راي
ان اكسترا يسوي عروض حلوة مثل اشتر جهاز O2 و Ipod ب2000 ريال وتراني انا ما اشتري الاجهزة الا من كارفور او العليا بس |
كلامك صحيح بخصوص اكسترا
شريت من الكترو شريحة للكاميرا حجم 1g بسعر 145 ريال واقسم بالله لقيتها عندهم 245 ريال وهي من نوع Sandisk |
ما اقول الا يعقب
اول مرة اشوف واحد يقول انو فرست افضل من اكسترا ؟؟؟؟؟؟؟؟؟؟؟؟ اتقي الله اذا كان قصدك الاعلان والله الذي لا اله الا هو انه من انصب وافشل المحلات احذروووووووووووووووا والله انه ( اقصد فرست ) نصاب نصاب نصاب |
والله فرق 50 و60 مو سهلة
يسلمو |
يا أخـوان .. كل واحـد له تـجربة خاصة فيه لا نعمم على المحل كامل ..
إن إكسترا ( نصّاب ) فهـذا ما أحد يختلف عـليه لكن البديل ( بـست - إلكتـرو - فرسـت - ....) أو الوكـلاء والموزعين أمثال / العساكر - البسام - المنيـع - الحـارثي وغيرهم كل واحـد يتـبع على الغـرض اللي ناوي يشتريه ويقارن بين المحلات ويبحث على النت وكم السعر في الأسواق العالمية وبعدها يـقرر .. أنا تجربتي مع إكسترا كان عـندهم عرض تلفزيون samsung بوصة 54 ونفس العرض في إلكترو بفرق 700 ريال ..!! لكن الحل هو المقارنة والجهاز الكهربائي راح تشتريه مرة وحـدة اتبـع على نفسك ولف في المحلات وأنت الكسبان |
ايوا والله اكسترا حرامي سواء في فرع جدة او الفرع الجديد او الاضحوكة الكبرى في المدينة المنورة
المكيفات اقل فرق تلاقيه 150 ريال |
فيه تفاوت كبير بين اسعار الاجهزه
افضل حل هو المقارنه اولا بين اسعار المحلات قبل الشراء |
ياشباب من يكتب فلينظر لضميره وليعرف اذا لن يتسطيع احد معرفته فان الله يعرفه
و مايلفط من قول إلا لديه رقيب عتيد اتقو الله في كتاباتكم ولا تقولو الا الصدق هذا وجة نظري |
اقتباس:
انا رايح وبالصدفة وشايف ثلاجة سامسونج بـ 680 ريال وفي فرست بـ 620 ريال وبعدين انا كتبت اللي شفته !!! وحتى في آخر الموضوع قلت أعملوا مقارنة وروحوا لمحلات الموزعين في شارع العليا وش مزعلك !!! يمكن اكسترا يقدم تخفيض على اشياء معينة بس عموما المحل نصاب !!! |
حبيت أشري ثلاجة كلفينتور 25 قدم 220 فولت
لقيتها عند اكسترا 2700 وشريتها من محل غير مشهور بـ 2340 فرق 260 ريال وهذا حصل معي ومع غيري |
لا معليش عاد اكسترا اقل بكثير من فرست في الاسعار ..
عندك فرست وبست اسعارهم اكثر من اكسترا والكترو ... وافضل من ناحيه اخرى وهي التنوع في الاجهزه والتنظيم سواء في اكسترا والكترو اتمنى انك تسوي مقارنه عادله بين الاثنين .. |
ما نختلف انو اكسترا نصاب
لكن نصاب على خفيف خاصه اللي يمشون وراء الاعلانات بس قارنوه ببست وفرست تلقونه زاهد في الحياة وربي حرام اصلا انو احد يروح لها تحياتي |
يا جماعة الاجهزة الي موجوده عند اكسترا مقلدة وغير اصليه بس الواصل واصل
|
اقسم بالله ان اكسترا ما يعترف بشي اسمة ضمان
خت منة تلفزيون بمبلغ يقص الظهر وبعد شهر عطل علي اتصلت عليهم ما رضوا يجون ياخذونة بعدين وديته لهم بنفسي وقالو لي بنشيكة ونرد عليك بعد اربع ايام ظل عندهم اسبوعين واخر شي ما رضوا يصلحونة |
كل محل ينصب بشيء معين
لكن أنت قارن الأسعار قبل ما تشتري أنا كنت من الناس المستعجلين يعني إذا فكرت في شيء جهاز مثلاً أروح اشتريه على طول و من أقرب محل لكن بعد هبال التجار بديت أركد و إذا بغيت أشتري شي أسأل الزملاء و أروح أكثر من محل حتى أحصل اللي يناسبني شكرًا |
بست انب منهم وضمانهم خرطي
|
تنبيه
تنبيه تنبيه تنبيه الى الإخوان نرجو عدم مدح اي محل او بما يسماء بدعايه لقد ذهبت الى فرست اليوم الذي على طريق الملك عبد الله واليكم التقرير صكة في راسي اليوم كمره و اطلعة على توصية اخونا مستر كي سألة عن الكمره الدجتل وجدة احد الاخوان المصرين تعال يباشا عايز ايه قلة ابغاء كمره قال الحق عندنا عرض بـ 899 مواصفات وسعر انما يه بصرحه يوم قالي السعر كرة الكمره وصارة ايدي تنتفض قلة شكراااااااااااااااا سيارتي كنت موقفها عند الشتاء والصيف قلت بشو السعر يعني بالقاها 1000 او اكثر دخلت شفة البروشرات في استقبالي اقلب فيها الى الكمره نفسه في انتظاري اشوف السعر شي تخيلو 549 فرق اما ابو ذاكره فعال فالذاكره 1g ب45 و2g ب 80 ريال نفس الماركه وعند عبد الواحد الفلاشات 2g ب 65 نفس الماركه وتقبلو تحياتي |
أنا كنت ابشتري غسالة ال جي تماتيك ودورت في بست وفرست والكترو واكسترا وفي محلات الكهربائيات في الحراج (طبعاً جديد) ولقيت اسعار الحراج أقل من المذكورين بـ 100 تقريباً لكن في الأخير شريت من فرست والحقيقة انه أرخص من اكسترا والكترو وبست ..........لكن.........قالوا لي علينا التوصيل والتركيب يوم عطوني موعد بعد يومين جو للبيت ونزلو الغسالة ورفضوا يركبونها قلت واتصلت على مشرفهم واسمه اشرف باكستاني وقلت ليش تنصب علي قال لازم انت جيب سباك ...وبالأخير ركبتها أنا جبت لي مفكات وقعدت أربط ...الله لايربحهم ..القصة قبل يومين طبعاً..
|
أدخلوا على موقع قروب أبو نواف ,, وشوفوا الفضيحة المجلجلة اللي في إكسترا ..
يبيعون برامج بـ 245 ريال وهي مكتوب عليها إنها تجي هدية مع أجهزة الكمبيوتر !! وفي جرير أصلية ومصنعة للبيع وبـ 150 ريال فقط !!!!؟ |
يكفي فضايح فقد شاب راسي
|
نعم أعطونا مقارنات في الأسعار أفضل ...
|
نعم أعطونا مقارنات في الأسعار أفضل ...
صح لساااااااااانك |
حصلت عندهم قبل أمس جهاز محمول asus x51rl
بسعر 2700 ريال نفس الموديل بالضبط موجود لدى العبيكان وجيان ب1999 ريال. |
لازم الواحد يسعر عند كذا شركة قبل الشراء
|
| الساعة الآن 05:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by