انا صاحب مطعم والله رحت فيها حسبي الله ونعم الوكيل
السلام عليكم ورحمة الله وبركاته طبعا انا معكم في المقاطعه ولا تقولوا يوم اني صاحب مطعم يعني مو معاكم اولا يا اخوان المشكلة والله ليست في المطاعم يعني انا لا زلت ابيع باسعاري الاولى قبل سنه ما عدا صنفين زدت فيها مبلغ ريالين ولكن اعلمكم شئ مهم يجب ان يعيه الشارع ان المشكلة تكمن في اصحاب الشركات والموزعين اما اصحاب المطاعم فليس لهم ناقه ولا جمل اعطيكم امثله على ذالك ووالله هو الحق كنا نأخذ الرز ب145 ريال والان ناخذه ب230 ريال تقولوا غير الرز اقولكم ما ينفع لازم يكون ممتاز والناس تحبه عندنا ومتعوده عليه وهو سبب اقبال الزبائن الدجاج كان في السبعينات والان قرب يناطح تسعين ريال فيه بديل اقل ولكنه غير جيد يعني مشي حالك............. عندك الطماطم دبل والزيت كنا نأخذه بمبلغ 38 ريال التنكة الحين نأخذه ب85 ريال عندك الايدامات وعندك وعندك وعندك وكلها ارتفعت اسعارها وزادت واللي يبيعونه لكم نفس بيعهم لنا والفرق ممكن ريال الى ريالين يعني اللي كان يدخل مثلا مبلغ عشره الاف صافي كيف سيكون حاله خذ عندك الحسبه 250 دجاجه متوسط البيع زاد سعر الدجاج قريب 15 ريال واكثر يعني الدجاجه زاد فيها 1.50 اضربها في 250 يطلع معك 375 في شهر 11250 ريال تقريبا يعني مكسب صاحب المحل طار ويا الدجاج اما الرز خذ عندك الفرق بين سعره اول وسعره الان حوالي 90 ريال احنا نسوي كل يوم كيسين تقريبا اضرب 90 في 30 يوم يطلع معك 2700 ريال وعندك الطماطم وعندك وهكذا يعني اللي كان يرحب من مطعمه 15000 ريال ما عاد يرحب ولا ريال ومن كان يربح مبلغ 10000 ريال صار يدفع من جيبه وهذه حقيقه انا الان ما يطلع لي مربح مره واول ادخل من 12000 الى 17000 ريال شهريا وكذالك عندي محلات اخرى ينطبق عليها ما على المطعم السؤال هنا هل صاحب المطعم هو المتسبب ان قلتم نعم متسبب لانه يقدر يقاطعها فاقول عندك ايجار وعمال وتدفع لهم رواتب لو قفلت لو خمسه ايام راح تتحمل خساير ولو اشتغلت ستعمل للناس دون اي مكسب وانت لم تخسر مئات الالوف دون مربح وكل انسان يريد ان يسعى لرزقه وانوه مرة اخرى انني والله معكم ولم ارفع اسعاري الا في نوعين المضغوط ب22 والمظبي 22 والباقي كما هو ولكن الله المستعان ان قلتم لا لست المتسبب فأين تكمن المشكله اقول انا وبكل صراحه طمع الكبير نحن صغار ليس لنا ناقه ولا جمل حالي من حالكم يعني الضغط مو من صاحب المطعم فهو مواطن عادي وبسيط ممكن اي واحد يفتح محل وتواجهه مثل هذه المشكل كيف يعمل ؟ الكبير طماع ...................... الموزع ومن فوقه اتمنى ان تكون المداخلات علميه وواضحه لكي استفيد وافيد شكرا لكم |
ياعمي الطاسه ضايعه في هالبلد
كل واحد يقول السبب من الثاني |
انت رحت فيها والشعب مثلك رايح فيها
لاتلوم الشعب اللوم على وزير الخساره قصدي التجاره |
الاخ حاتم
تأكد ان اي زيادة بسيطة مبررة يعرف المستهلك سببها فلن تجعله يقاطع اما الاستغلال والاستغفال فهذا هو مربط الفرس وهو الذي يؤدي الى المقاطعة |
الله يعينا وإياك ياأخ ،،وتذكر قول الله تعالى((ومن يتق الله يجعل له مخرجاً ويرزقه من حيث لا يحتسب))
|
طيب معليش ........ بس مقاطعة المطاعم ليست للإضرار بالمطاعم .... ستقل كمية الرز المستهلك و الدجاج المستهلك وووو الخ ...... بالتالي الكلب "اعذروني بلوفي ناقزه" اللي رفع السعر و سميتهم "الكبار" مع تحفظي على التسمية, رايح يكتشف أن زيادته للسعر اللامبررة لم تغير في مستوى دخله .... و لو بغيتها علم و حساب ... خذ التالي :
نفرض عند "س" مورد أرز مئة مليون قطمة كان يتم توزيعها على مدار العام .... زاد السعر حسب كلامك إلى قريب 60% يعني لو قلنا معاه حق في 10% و تم مقاطعة المطاعم بما نسبته 50% من استهلاك الرز, فسيذهل "س" من حصاده المالي الذي لم يتغير برغم الجرم الذي ارتكبه في حق المستهلك ....... بعدين الدولة دعمت الرز بشاص و لا وانيت ........ههههههه ....... باختصار قلوبنا معك ... بس المنطق يقول التالي لكل منتجات تم رفع سعرها ... إذا اقتنع المستهلك بمبررات الارتفاع فهذا شأنه والله يهني سعيد بسعيده .... أما إذا لم يقتنع و قرر المقاطعة ... فليحسبها مزبوط قد إيش معدل ما كان يصرفه شهريا على ذاك المنتج ثم يخفض استهلاكه بنسبة تعادل( مثل او أكثر) نسبة الإرتفاع ...... والسلام ....... تقريبا لو رفع 50% أخفض استهلاكي 50% بالتالي لن يستلذ بالربح .... و لو استطاع أحد الإستغناء فتلك أقوى أنواع المقاطعة وهي 100% |
اكتب قائمة مقارنة بين الأسعار سابقاً والآن .. وحطها جنب الكاشير
|
اذا أردت ان نفتح قسم مقاطعة التجار للموردين فلا مانع لدي ، ويكون مخصص للتجار للتعاون ومقاطعه الموردين الاستغلاليين
وجزاك الله خير على التوضيح واسأل الله ان يرزقك من واسع فضله |
اقتباس:
والله كلامك في من الصحه الكثير بالفعل كل واحد يرمي على الثاني ولكن الا ترى ان عمل رجل من وزير التجاره وغيره من شأن في الدوله يريح شعبا يقاوم اعتقد ان لو فيه حسبه ونظام صارم ما صار كذا |
اقتباس:
ولكن أأ نب واشد على الوزير ومن معه لانهم عصام البلد وقوته لكن من يوم يقول غيروا الرز وانا غاسل يدي بماء بارد |
| الساعة الآن 05:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by