تقرير عن اسباب ارتفاع الاسعار في السعودية
 

اخواني واخواتي الاعزاء اقدم لكم دراسه عن اسباب ارتفاع اسعار المواد الغذائية في السعودية او مايمسى ب(التضخم). هذه الدراسه قامت بها شركة جدوى للإستثمار لذلك هي دقيقه وقام بها اخصائيين اقتصاديين.الذي ارجوه منكم هو ان تأخذوا هذه الدراسه بعين الاعتبار وان تتركوا مايقوله اغلب الناس بأن الارتفاع في الاسعار هو سبب جشع التجار, ولو كان بإمكان التجار رفع اسعارهم لرفعوها من قبل. والتضخم ليس فقط في السعودية بل في الدول المجاورة ايضا. واللي يقول كذب هذا انسان كثير تذمر ولا يعجبه العجب ويسمحلي اقوله انه ماعنده سالفه ويسكت احسن له.
http://www.jadwa.com/arabic/files/Fo...-%20Arabic.pdf

ولا زم تفهمون يا اخواني اننا ولله الحمد في نعمة لا يعلمها الا رافع السماء. لا ضرايب والاسعار معقولة مقارنة بكثير من الدول اسعار البنزين ارخص من الماء التعليم ببلاش وتاخذ راتب عليه وكثير من النعم اللي الله من علينا بها لكن من اللي يحس منكم ويحمد ربه والله ان السعوديين كثيرين تذمر ولو يناظرون حال الشعوب الاخرى اقسم بالله راح يبوسون ايديهم وجه وقفا.

اخي الكريم حامدين ربنا ع كل حال
بس اخي احنا في دوله انعم الله عليها بالبترول وناظر الدول المجاوره من دول الخليج وانت تعرف كيف تسعى الى راحة مواطنيها ووضع حماية مستهلك ومراقبة الاسعار وين دور وزارة التجاره طيب ليش مايتم عندنا وضع حماية مستهلك ووضع تسعيره ع المواد الغذائيه كما هو حاصل بالكويت .
وترى ماذبحنا الا الكلام هذا الشعب بخير وبنعمه ياخي والله فيه ناس مو لا قيه قيمة كيس الخبز
وتقبل تحياتي

الحمد لله الف مره ....ومره
ولكن ذوي الدخل المحدود كيف يعيشون مع نار الاسعار

يا أخي الفاضل
الحمدلله على النعمه اللي إحنا فيها
بس مانراه في الاسواق انك تنزل بخمس مية ريال وتلف شوي بالسوبر ماركت وتحاسب ولا العلوم صار فيها اختلاف لازم تطلع بطاقة الصراف عشان الخمس ميه ماتكفي مشترياتك على حاجات الواحد يشوفها انه بالفعل ماتستاهل هذا السعر..

صح ان احنا محسودين من جميع الدول على العيشه اللي احنا فيها بس برضووو لازم نعرف اوضاعنا واللي صاير بالبلد وربي الحين انا بنظريتي ان اي واحد راتبه خمسه الآف او سته الآف ماراح يكفيه لآخر الشهر والسبب غلاء الأسعار
يعني فيها ايجارر بيت فيها سياره فيها اغراض للبيت فيها للعيال يبغون ملابس وفيها وفيها ....؟

.. انا قريت عن واحد بالمنتدى هون مشارك كاتب ان ابوه متسلف فلووس وراتب ابوه 12000 الف ريال

اتمنى ياخوي انك ماتحكم على الشعب كله بمقارنه الك
يمكن انت الله مكرم عليك ولاتفرق الزياده اللي صارت
لكن غيرك مسكين حافي منتف من أول الحين حتى الثوب اللي كان مستتر به
طار من عليه ماباقي الا جلد وعظم
والحاله لايعلم بها الا الله



الواحد مايقول الا حسبي الله ونعم الوكيل

يا اخي من قالك ان ماعندنا حماية المستهلك. هذي مشكلة اكثر الناس يتكلم كلام هو ماعنده اي خلفية عنه ودائما نظرتنا للأمور تكون سلبيه يا اخي هل قد سمعت عن القرارت الجديده التي اصدرت لحماية المستهلك؟ اذا كنت لا تعرف عنها فلماذا تقول انه لا يوجد منظمة لحماية المستهلك. انا راح اخليك تقرا هذا الخبر وانت بتعرف بنفسك.
http://www.alyaum.com/issue/article....12436&I=503342

حياك الله اخوي وشكرا على تعليقك.ولكن استوقفك عزيزي للحظه واسألك هل قرأت الملف الذي وضعته؟ ربما لا لأنك لو قريته كان عرفت اسباب ارتفاع الاسعار الذي تشكو منه. يا اخي صعب الدولة تتكفل بجميع شعبها الدولة وضعت لك التعليم ببلاش وريحتنا من الضرائب والعلاج ايضا ببلاش ماعليك عزيزي الا انك تكمل تعليمك, والحمدالله ارخص سعر للبنزين في العالم موجود في دولتنا وايضا الملك عبد الله ماقصر ورفع الرواتب 15%. وبالنسبه للأسعار يا اخي فقط اسأل نفسك هذا السؤال. اذا كان بأمكان التجار رفع أسعارهم فلماذا لم يرفعوها في السنين التي فاتت؟؟؟ التضخم شئ خارج عن ارادة الدولة هذا اللي ابي اوصله لكم. وياليت للحظه توقفون تذمر وتحمدون ربكم.

يأخي التضخم شي خارج عن ارادة الدولة. وبالمنطق في دولة في العالم تبغى تنغص على شعبها وتفقرهم يا اخي ربما يوجد في دولتنا فساد لكن معظم الفساد يكون تحت الطاولات, وليس ان يرفع التجار اسعارهم ولا احد يتكلم ويقول شي ,الموضوع واظح انه تأثير خارجي.

عطني جواب عن لعبه الاسهم ومن سببها ؟ ولماذا اسعار الاراضي مرتفعه مع وجود مساحه واسعه فى السعوديه ؟ ومن الذي يبيع المخططات؟؟؟؟؟شكلك عايش فى نعيم وماتدري بحاله الشعب المسكين

اغلب المعاملات الحكوميه عليه رسوم
يعني استبدال كلمه ضريبه بكلمه رسوم
تعليم بلاش جب دوله بالعالم ماعندها تعليم بلاش وتعليمهم افضل ومدارسهم احسن من عندنا
نأخذ فلوس على الدراسه الحين ندفع فلوس علشان ندخل الجامعات الحكوميه عندك علم
اسعار البنزين يااخي الدول الاخرى انهارهم مويه و حنا دوله انهارنا بترول والله يعز الحكومه ماننكر انها خفضت لنا
لكن خل راتبك 6000 وعيش بالزمن هذا لو شهر واحد بايجار وعيال واقساط وتكيّف مع الاسعاراللي صارت النارعلينا
وتعال اكتب لنا شعورك بعدها واكتب شعور عيالك واهل بيتك
مايحس بالنار الا رجل واطيها

يعني في إعتقادك إن الناس إذا عطشوا يروحوا يشربوا بنزين (إقتداءاً بقول وزير التجارة .. غيروا عاداتكم و دوروا الأرخص).

لا أحد ينكر أن الدولة تبذل كل ما في وسعها في سبيل راحة المواطن لكننا هنا لانتحدث عن الدولة و ما تقوم به.

نحن نتحدث عن جشع التجار و طمعهم وتجاهل بعض المسئولين لما يحدث إما تكاسلا أو لمصالح شخصية.

لماذا تباع المنتجات السعودية أو المنتجة في السعودية بأسعار أغلى في السعودية مقارنة بدول الجوار ... لماذا تباع البضائع المستوردة في السعودية بأسعار أعلى من الدول المجاورة مع ملاحظة أن الوكيل واحد لكل المنطقة (سعر علبة حليب نيدو بـ 60 ريال عندنا بينما لم تتجاوز 54 ريال في أي دولة من دول الخليج)؟؟

للإجابة على هذه الجملة بالذات راجع هذا الموضوع إن كنت لم تقرأه من قبل (إقرأه بتمعن) و بعدها بوس إيديك وجه و قفا وشعر ودقن كمان:

https://mqataa.co/vb/showthread.php?t=4361

تحياتي للجميع.