يا اخوان ما هو أفضل عجين سمبوسة ؟
حنا متعودين على غوار لكن للأسف اذا رحت هناك تحس انك في بنك الراجحي عام 1400هـ تبي تسدد فاتورة !!
سرا خمسين متر ويا الله يردون عليك .. جربنا ورده والنوع الثاني اللي مايشرب الزيت لكن الحقيقة عوار افضل منها فهل هناك بديل لغوار ؟ |
أخـوي صـالح ..
مدري بـصراحة دامـك جربت وردة فيه نوع ثـاني اسمه ( طـيبـة ) ماهـو بعيد عنها وفيه نـوع أفـضل منهم وكمية أقـل نوعاً ما اسمه ( رغــد ) تابع لرغـد للحـلويات والكـليجا وشغـلهم نـظيف والتـغليف راقي والعـجين مقـطع ومستوي الأطـراف شغل مصـنع وسعرهـ 5 ريـال |
رغد عندهم نصف كيلو 5 والكيلو 10
سمبوسه تجي من مصنع في القصيم وهي قليله الدسم والورقه السمبوسه خفيفه مره مع القلي ماتشرب زيت مثل غوار وطقته |
اشكر اخواتي الدائرة المستطيلة ومقاطعتهم وحارقتهم على المعلومات القيمة .. وسأبحث عن رغد وأجربها .. بارك الله فيكم ..
|
اخوي صالح افضل وقت لغوار ولا فيه زحمه بعد صلاة الفجر حسب كلام صاحب المحل
|
اشهدنه الحظ ياغوار
ههههههههه وش دعوه كأنك بسراء الراجحي وافضل وقت بعد صلاة الفجر ليه يوزعه ببلاش صحيح اعد بحظ والا استرح الله يرزقه يارب ويرزقناااااااااااااا شكله بالرياض هالحمل صح؟ |
اخي البرفسر
مشكور على المعلومة اخي مقاطع من الجبيل نعم غوار بالرياض ومحتكر عجين السمبوسة وغيرها .. وعنده زحمه ما تنطاق .. الله يرزقنا واياهم |
اخواني/ الدائرة المستطيلة ومقاطعتهم وحارقتهم
دورت رغد في عدة سوبرماركتات ومنها بساتين القصيم ولم اجدها فلو تكرمتوا تدلونا على المكان اللي يبيعها مع الشكر والتقدير |
تلقاها بس عند محل رغد للشعبيات في حي الروابي شارع الزبير بن العوام
الوصف مخرج 14وطلعت منه حط سوق الربوه للخضار على يدك اليمين وتجه شرق يجي حرف تي من الاشاره لف يمين وتجاهك يكون جنوب اول اشاره لف يسار هذا شارع الزبيربن عوام امش تلقاه في نفس اتجاه بعد المحطه الاولى للبنزين وعموما بضايعهم مميزه من المعمول بحشوات مختلفه وحلا المنزلي والشعبيات (جرب سمبوسه البر ان كنتم من يرغب بها رائعه) |
فيه نوع إسمه
أبوصالح يمكن إنه من إنتاج الوالد ياأخ صالح وأنت ماتدري هههههههههههههههههههه يأتي من القصيم يوجد في محل بجوار الهدوج ( دانيه للخضار من القصيم ) |
| الساعة الآن 05:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by