ماعاد نبغـى فـي الرواتـب زيـاده
وصلتني على البريد وحبيت انقلها .. :: :: :: الراس صاير فيـه ورشـة حـداده قام يتحلل فيـه مسمـار ...مسمـار قلت الركـاده ميـر ويـن الركـاده كنّي مع الحجاج في رمـي الاجمـار من عقـب ماجانـا قـرار الزيـاده من مجلس اهل الجود وافين الاشبار كـلٍ مـن الفرحـة بيقـدح زنـاده جبنا القروض نضارب السوق وانهار وجينا نبي بـس الرجـا والهـواده والله وكيلك شبّت اسعارنا .. نـاااار والراتـب الماخـوذ جتـه القـراده ماينزل الا..صافقه مثـل الاعصـار فاتـورة الهاتـف وعاجـل سـداده والقرض والكهرب وتسديد الايجـار والتاجـر المليـان جـاب الوسـاده يبـي يوصّـل راس مالـه لمليـار والا المواطن صار..سهل اصطيـاده جته الهوامير بوسَط غـب الابحـار واصبح نهار وليـل وسـط العيـاده مابين طب الراس والقلـب وشهـار يامـن يوصّـل كلمتـي للقـيـاده للحاكـم المحبـوب والوالـد البـار ماعاد نبغـى فـي الرواتـب زيـاده اللي نبيه اليوم تخفيـض الاسعـار :( |
أي والله ماعاد نبغي زيادهـ
دام تلحقها زياده بالأسعار [يارب أرحم عبيدك] |
قررت احفظ القصيدة لروعتها جزاك الله خيرا
|
توبه ان طالبنا بزياده رواتب
|
والله انكم متفائلين اكثر من الازم
اللحين مين قالكم اساساً ان فيه زياااااااااااااااااااااااااااااااااادة !! هههههه ياحليلكم |
بأسم مين القصيدة هذي؟ وأيش معنى وافين الأشبار؟
|
قصيده الشاعرمنصور عمرالحبيل ان ماكنت غلطانه
وافين الاشبار يعني الي سخي بعطياه ومابعده سخا |
|
صح لسانك والله يالشاعر جبتها على الجرح
نبغى تخفيض الاسعار .. نبغى تخفيض الاسعار .. نبغى تخفيض الاسعار .. نبغى تخفيض الاسعار .. نبغى تخفيض الاسعار |
الله يسلمكم
والله يعرف اسم الشاعر يزودنا به اقتباس:
المقصد وش استفدنا من الزياده اللي جت دام الاسعار ارتفعت ؟؟ !!!!!!!!!! |
| الساعة الآن 05:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by