حرام عليكم
السلام عليكم ورحمة الله وبركاته مااعرف من وين ابتدي والمثل يقولالكلمة اللي تستحي منها بدها .. حقيقة الكل متوجع من ارتفاع الأسعار .. يعني ماارتحنا من أزمة الأسهم جات ارتفاع الاسعار ماادري هل يعبجهم أو عاجبهم الوضع ان ابن البلد يتخبط وضايع وهم متفرجين كأنهم جالسين في مدرجات الملعب عليهم بس التصفيق والتشجيع .. المهم ماعلينا أنا سأتكلم بكل واقعية ومن الناحية الإنسانية .. والله حرام عليكم .. الأسر اللي عايشة على الضمان الإجتماعي ايش تسوي مافكرتوا فيها وبعض العوائل ينزل لهم بالضمان الاجتماعي حوالي 1000 ريال فقط (الحمدلله على العافية والستر ايش تسوي هذي مع ارتفاع الاسعار الباهظة التي تقصم ظهر البعير .. !! انا شخصيا فتاة لأأملك لاوظيفة لدي ولا دخل مادي اللهم الضمان الاجتماعي وأعيل والدتي شفاها الله ووالدي رحمه الله تعالى كان يشتغل بأعمال حرة لاادخل مادي لديه .. انا لن اتكلم بأسلوب استعطاف لكن هذ الواقع التي تعيشه بعض الاسر السعودية .. والخافي كان أعظم .. ماحال الاسر التي تعيش على الضمان الاجتماعي قالوا بدائل ذهبنا للبدائل والله ثم والله انها اسعار خيالية وبعضها شهر وتنتهي صلاحيته .. نحن بشر ياعالم لسنا بهائم أعزكم الله اذا مثلا شريت هذه البدائل بعد شهر تنتهي يالله من وين نجيب خصوصا ان الضمان يصرفونه كل بداية شهر .. ورمضان على الأبواب اللهم بلغنا شهر رمضان إن شالله .. لاأخفيكم قدمت على عدة وظائف لكن دون جدوى والحمدلله على كل حال .. كل تفكيري هو إرضاء والدتي شفاها الله .. وهم لايرحمون ولا يجعلون رحمة رب العالمين تنزل .. ارحمونا يااالتجار ارحمونا ياوزارة التجارة هذا حال بعض اللاسر السعودية .. نحن سعوديين التفتوا لحالنا .. لكن رب العالمين لايضيع رزق أحد إن شالله صبر جميل والله المستعان .. |
اتمنى القى لموضوع رد يشفي اللي بداخلي
|
صح لسانك والله
حارس مدرستنا يعول 13 نفس مابين طفل وبالغ يسكن 3 غرف وراتبه 1400 وليس لديه سياره !!! من له حسبي الله عليكم ... اقسم بالله تمر عليه ايام من دون ماء ولقد اتى من الجنوب يبحث عن لقمه عيش .. فتفاجأ بالواقع هنا |
تصدقي ان احيان الكلمات ما تسعف الواحد انه يقول شي ! ولا يعرف حتى الرد على تساؤلات وكأن الامور فعلا اصبحت اكبر من الكلمات اكبر من الاقوال ... لان الامور الكبيرة صعب تنجز بالاقوال مهما كانت عظيمة ومهما كانت بليغة لان الواقع والحياة وظروفها ومشاكلها تحتاج لافعال لانجازات لقرارات وشرط تكون فورية وقوية :( |
عزيزتي / حرام عليكم
أسال الله أن يعينك لكن هناك جميعيات مثل جميعة البر تقوم بأعطاء من يقل دخلهم 3.500 ريال بمستلزمات المنزل الأساسية مثل الرز والدجاج والأصناف الرئسية يمكن الأستعانة بهم |
مشكورين جميع
اخوي فهد انت تقول جمعيات البر تعطي انا معاك بهذا الشي لاانكر لكن تدري انا ذهبت لجميعة البر وانا داخله جلست جنب امراة كبيرة في السن تبكي وتتحسب .. لمن سألتها ليه تبكين قالت الحين رمضان مقبل علينا والجمعية اول تجيب لنا الاغراض الاساسية والحين مااهقيته تعرفين ارتفعت الاسعار خصوصا الرز قلت لها ربك كريم ومعين لاتضيقين صدرك ورجعت تبكي وتقول حسبي الله ونعم الوكيل .. هذه الحال لكن الواحد لابد من شكر الله على نعمته والحمدلله |
حسبي الله و نعم الوكيل .. هذا يحصل و سعر برميل النفط يناطح السبعين دولارا .. ناس عايشين الطفرة و ناس عايشين الطفر .. |
الله كريم اخوي مسألة مبدأ
حسبي الله ونعم الوكيل ماودنا نسوي كذا كلنا سعوديين بس هم اللي خلونا نسوي ونتحسب عليهم |
ايه والله حسبي الله ونعم الوكيل
هذا حنا بالمقاطعة وان شاء الله خير والله يوسع كليكم وعلينا بالحلال والعافية في الدنيا والاخرة |
لا حوا ولا قوة إلا بالله
بصراحة الواحد مايدري بس صدقيني الي رفع الاسعار ما في قلبه رحمة. وحب المال والجشع اعماه وكأنه ناسي أنه يوجد يوم حساب وإنه محاسب على جميع اعماله.. بس بإذن الله اختي إن هذ المنتدى سوف يعمل شي أن شاء الله ويجعل من صوت المواطن مسموع ويعلمون إن المواطن لن يسكت على هذا الظلم والجشع من قبل التجار بل سوفا يقفون متماسكين بإذن الله حتى ترجع المياه لمجاريها وهذا ما ارجوه أن شاء الله واهم من هذا كله رضاء امك الله يحفظها لك ويشفيها ويشفي جميع مرضانا. |
| الساعة الآن 05:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by