فساتين السهرات وبلاويها
السلام عليكم ورحمة الله وبركاته
هذا اول موضوع لي بهذا المنتدى الجميل موضوع فساتين السهرات::clap_1: الكل منا يريد ان تلبس زوجته من افضل الموجود ولاكن نار الاسعار مع كثرة العروس وفقهم الله تخلي الواحد في بعض الاحيان يتسلف عشان اهله . المهم: فساتن السهرات قصتها قصه تبكي تعالوا اقولكم وش اللي صاير::think: اللي صاير ان اسعار الفساتين غاليه جدا جدا لدينا بسبب عدم الثقافه عند المستهلك وهي جميعها من الصين وقد ابلغني صديق لي بالجمارك بأن الفساتين الموجوده بالسوق حاليا اسعارها بالفواتير لا تزيد عن 120 ريال سعودي هذا اعلى سعر واقل سعر هو 60 ريال سعودي وهذي الاسعار بعد الرسوم الجمركيه. يجيبها التاجر ويفتح محل بسوق راقي جدا ويجيب العامل الاجنبي ويقوله ابي بالفستان هذا مثلا 1000 ريال وانت لو بعته ب 2000 مافوق الالف لك عموله والعامل يطمع اكيد ويعرضه بهالسعر 2000 او 1800 او حتى 1500 ريال وهذا اللي ذبحنا كمستهلكين . وباقي الفساتين يجيب سواق ويخليه يلف على المحلات ويوزعها من 800 وانت طالع بالذات بالصيف موسم الزواجات. ومن القصص التي صادفتني قبل ايام هو انني كنت انا والمدام بالسوق لشراء فستان لها لزواج قريبة لها وذهبنا الى السوق الدولي بالمدينه المنوره وفيه محل اسمه لمسات كله سوريين ولبنانيين وهو محل كبير شوي ومليان فساتين وبصراحه المدام عجبها كم فستان واقل سعر فيه هو 1400 ريال . قلت لها اصبري خلينا نلف السوق اول ونشوف الاسعار .:clap_1: المهم لفينا الاسواق ولقينا فرق غير طبيعي بالسعر مثلا ابو 1400 ريال لقيته بأكثر من محل ب 750 و950 و800 ريال واللي زادني زعل ان فيه فستان عند محل لمسات 1750 ريال بعد التخفيض يقول نهائي ولقيته بمحل بسوق الدخيل بلازا ب 750 ريال يعني الفرق 1000 ريال لعتة الله عليهم واللي زاد قهري بعد انه بعد كم يوم وديت المدام لسوق البدر اللي بطريق المطار وتقولي لقت الفستان اللي عند لمسات ب 1400 ريال وعند غيرهم 750 ريال تحلف لي بالله انها لقته بالبدر ب 230 ريال ههههههههههههههههههههههههه:lol: قسم بالله بغيت انفجر من القهر لاكن لاحياة لمن تنادي وعلى فكره صديقي اللي بالجمارك جاب لي صور الفواتير حتى اصدقه والشكوى لله المهم الواحد يكون مثقف عند التسوق ويحاول يثقف اولاده وبناته والله يحفظكم ويحفظنا جميعا |
السلام عليكم ... والله صدقت ياأخوي. بالنسبه لسالفة فساتين السهره هذي سالفتها سالفه مثل حنا عندنا بالخبر تشوف فستان يعجبك بمجمع تجاري وسعره1200 وتنبسط عليه وتلاقيه نفسه طبق الاصل بمجمع ثاني ومحل ثاني ب 600ريال. بصراحه عندنا تلاعب بالاسعار. لا والمشكله ان بعض المحلات التجاريه يحلف ويقسم بأن الفستان الي عنده جديد تو نازل قبل يومين وانا شايفته قبل سنه ونص تقريبا معروض بنفس المحل الفستان قديم ويقول انه تو نازل ليه هالكذب على الحريم يعني يبيها تلبس الفستان وتكشخ على بالها على الموضه وهو قديم والله حرام . هالزمن مافي لاذمه ولاضمير ومافي مصداقيه ابد .والشي الغريب عند بعض المحلات الماركه تلاقي الفستان قبل التخفيضات يكون غالي وبعد التخفيضات يصير برخص التراب ليه كذا يخسر من قيمته؟؟؟ يعني الي شاريته قبل التخفيض تموت حسره لمن تشوف سعره في موسم التخفيضات والله لعب بلعب الدعوه... حسبي الله ونعم الوكيل
|
كلامك صحيح لمسات حرااااااااااااااااااامي وانا كنت زمان اخذ الفساتين منهم وبعدين خلاص كشفتهم
|
حالم سعودي ... ريم .... مكاني الجنة
حياكم جميع بالمقاطعة فيه تلاعب بالأسعار كبير .. وليس كل الموجود مستورد .... بعضها خياطه بالبطحاء :) |
خلها على الله لو على 1500 هينه المشكله لو صار عرس من اقربانه كل وحده من الحريم تبي تصير احسن من الثانيه ولاودك تكسر خطرهم وتشري ب3000بعض الاحيان
|
و المشكلة إننا نتركهم من القهر و نروح المشاغل و تعال شوف الأسعار كأنهم مصممات عالميات ، شي يذبح.
|
اي تاجر يعمل في مستلزمات النساء /// الارباح عنده 100%
----------- والبركه في الحريم عـنـدنا... كل وحده تبغى فستان مافي مثله في الزواج وتبغى تسريحه غريبه للشعر وتبغى مكياج بويه للوجه وتدفع 3000 ريال في لبس وديكور ..علشان ساعتين تروح للزواج وترجع البيت , |
والله فعلا ياليت التوعيه تزيد وكفايه استغفال
الاعراس خارج البلد بسيطه الاخوان الي في المدينه فساتين الاعراس مثل ماقلتم سوق البدر وفيه سوق الشامل اغلي فستان عنده 700 ريال وكثير |
الله يكون في عونكم يالي متئهلين
|
لنكن واقعيين
الأسعار مبالغ فيها هذا مما لا شك فيه مسألة اختلاف سعر نفس الفستان الكثير من النساء توعت لهذه المسألة واصبحن يفضلن المرور على اكثر من محل بأكثر من سوق لعلها تحصل على ما تريد بسعر أقل وهناك فئة من النساء لا تريد ان تتعب نفسها فتختار من اول او ثاني محل تدخله فهذه الفئة لا أظن ان فارق الأسعار يشكل لديها هاجسا بالنسبة للأسعار من بلد المنشأ (الصين) فتختلف حسب جودة التصميم والخياطة ولي صديق سبق ان عمل بهذه المهنة كان يستورد فساتين من الدرجة الأولى من حيث التصميم وغرابة الخامات وجودة الخياطة وكان الفستان الواحد يكلفه من 450 الى 500 ريال وكان يبيعها بربح 200 الى 300 ريال ولكن من مدخولها لم يستطع تسديد اجار المحل وأجرة العامل وتكاليف الشحن ويخرج بربح له خصوصا انها تجارة مواسم وبقية السنة تشهد ركود وعندما زاد في الأسعار انصرفن عنه النساء لإعتقادهن انه طمع في ربح اكثر فترك هذه التجارة الحل هو في ايجاد مشاغل نسائية تضم عدد كبير من الخياطات على درجة عالية من المهارة وبقيمة تفصيل للفستان الواحد لا تتجاوز 400 ريال هنا ستحل هذه المشكلة ولكن اين هو التاجر او التاجرة الذي يقبل بهذا العمل ويحتسب الأجر فيه هناك ايضا الخياطين الرجال الذين يتميزون برخص اسعارهم فقط تتم تجربة اقمشة رخيصة عند عدد من الخياطين ومتى ما اثبت الخياط مهارته يتم اعتمادة لدى العائلة لخياطة فساتين السهرة ايضا شراء الفساتين بغير المواسم اي بفترة بداية الدراسة بحيث تكون الأسعار رخيصة نوعا ما الطلب من الإنترنت وسيلة أجادت استخدامها الكثير من النساء بالوقت الحاضر |
| الساعة الآن 07:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by