اقتباس:
بس قول لي مين اللي راح يطبقها اكيد النقد والحكومه لهم مصلحه من هذا الموضوع |
السلام عليكم ورحمه الله
بعد انقطاع عن الموضوع رجعت لكم من جديد بالامس كنت مع موعد مع جلسه في مؤسسه النقد وكنت بإنتظار النتائج واصدار الحكم للأسف وبشده خصمي شركه التعاونيه للتأمين لم يحضر والقاضي اخذ اقوالي ومتطلباتي لشركه التأمين وعدني بجلسه اخرى ان لم يحظر سيصدر الحكم بوجوده او بدون وكما قال لي السكرتير لربما نجبره على الحضور وسنرسل له عسكري يحضره للنقد هذه صوره من الموعد الجديد http://i174.photobucket.com/albums/w...i/cccagain.jpg دعواتكم يا مسلمين |
ياناس هاذي شركة يعني لها كيان وموظفين ومسئولين !!!!!!!!!!
كيف يقولوا روح لشيخ المعارض ؟!!!!!!!!!!! الظاهر انهم عارفين انه بيطيّح السعر .... اقول الله يعوّض عليك وانا اخوك ولاتترك الموضوع يروح بها الشكل لأنه شركات التأمين شغلهم نصب يأسسون الشركات علشان المساهمات بس !!!!!! |
السلام عليكم ورحمه الله وبركاته
بالامس انتهت جلستي الثانيه وقد حضر المدعي عليه في الجلسه وكان رده ان المبلغ مبالغ فيه وعرض علي دفع مبلغ 5000 ريال فرفضت ذلك بحكم ان المبلغ لايغطي تصليح السياره انتهت الجلسه والقرار اللي راح تتخده مؤسسه النقد راح يكون بعد 3 اسابيع من الان انا اقول اذا التأمين متعلق على قراره انه راح يدفع 5000 اكيد النقد ماراح يقدر يسوي شي هذا رأيي انا والتماطل ووقوف السياره وتعطلي عن اعمالي احس كل شي خرابيط يعني انا راح اصلح السياره من جيبي وفكره مؤسسه النقد شي ماله داعي حسبي الله عليهم |
اقتباس:
لها حق الشركات بالمماطله :mad: المفروض ان تأسس محاكم تختص بالأمور التجارية مثل "دولة الإمارات " تحال القضيه لوزارة التجارة وإذا لم يتم الصلح تحال مباشرة للمحاكم ويبث بها بدون تأخير |
اليوم 21 /11 يعني باقي كم يوم ويمر شهر
الله ينصرك عليهم وتاخذ حقك |
اقتباس:
إلى متى حكومتنا تستوعب هذا الشي وشاكر لك على مرورك مره اخرى ^_^ اقتباس:
صحيح المفروض اني استلم رد اليوم او بكره وبكذا يكون مؤسسه النقد توفي بوعدها لي حدود اسبوعين او ثلاثه سوف نرى المصداقيه في الاسبوع الرابع |
اول شيئ الحمد لله على السلامه....
ثاني شيئ انا صار لي حادث قبل فتره وصار لي مثل الي صار لك من تسحيب ومماطله وعدم احترام بشكل لا يوصف المهم انا ما امدح نفسي بس اني اتخذت قرار من راسي ووالله كنت حاط في بالي انها خربانه خربانه لو يصير الي يصير طبعآ لما شفت الوضع كله تسحيب ومماطله لمدة شهرين اتصلت على التامينات وطلبت رقم المدير ولما حولوني على المدير قمت اسب فيه واشتم فيه واهدده والله هذا الي صار لانه قهرني الكلب لما قال ان موترك مايسوى المبلغ الي تم وضعه من قبل الورش وكان المبلغ18000 عاد انا قلت له باختصار شوف انا تعبت معاكم وراح اقبل بالي راح تصرفونه لي لكن والله لو دفعت ريال واحد من جيبي راح تشوف شيئ عمرك ما شفته وانا كنت قدها بكلامي المهم عاد هو قلبها صلح وقام يهدي فيني وقال خلاص راح اتصل فيك بعد ما اشوف موضوعك وبعد يوم اتصل وقال قررنا نصرف لك 14500 انا قلت له لو تصرف لي ريال ما عندي مانع اهم شيئ ان المبلغ يسوي الصدمه كااااااامله وبعدها طلب مني اكتب خطاب بأني اقبل بالمبلغ المذكور وارسله له فاكس على مكتبه تدري ليه كل هذا ؟من التهديد الي جاه تخيل انا الوحيد الي يستلم شيكه بعد خطاب ارسله اكتب فيه اني راضي بالمبلغ طبعآ انا كتبت اخطاب علشان اخلص من موتري الي جلس شهرين واقف (تم تحرير هذا الجزء من النص من قبلي abuhisham .. أولا .. الحمدلله على سلامتك و معوض خير .. ثانيا .. مهما حصل أخي الكريم لا يصح أن تأخذ القانون في يدك و تقوم بمثل ما ذكرت) وكنت قد كلمتي وترى المدير اسمه امجد الخالد في التعاونيه للتامين ومسوي ذكي مكتبه في حي السفارات على باله محد يقدر يوصل له بس اذا حطيت شيئ في بالي سويته الزمن ذا والله مالك الا تاخذ حقك بيدك وسلاااااااامتك |
اقتباس:
ماتشوف شر وكل شي معوض والتماطل واللي حصل لك شي طبيعي من شركات التأمين الله يكون في عوننا بس |
يوم الثلاثاء تلقيت مكالمه هاتفيه من مؤسسه النقد لفك النزاعات التأمينيه المخالفه
بصدور قرار المؤسسه بحق القضيه المشار إليها وتم ابلاغي بإستلام الخطاب بأقرب فرصه |
| الساعة الآن 03:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by