السلام عليكم ورحمة الله وبركاته السنة الماضية .. دخلت وكالة الفطيم نفس هااي الفترة بس السنة لي طاافت كنت اسأل عن الأستيشن .. والله ماا ازيد كلمه من عندي .. الموظف ماا تعب نفسه يشرح لي .. قال لي بتشوف المعلومات في الكاتالوج .. المهم .. انا ظهرت ... اليوم بالتحديد .. سرت عندهم .. وشفت العجب .. طبعا قلت بنزل الموضوع عندكم ... المهم انا عندي استيشن 2004 ثمانية .. وقفت على مدخل الوكالة .. بندت السيارة .. وتوني انزل .. المهم كنت اتناول تلفوني من على الكرسي الثاني .. اول ما رفعت راسي .. اشوف مال مبيعات الفطيم .. يكش الذباب ويدووخ .. المهم .. نزلت .. وقبل ماا أدخل لي يالس يدوخ قال لي تفضل تفضل .. !! انا استغربت .. اول ماا دخلت الوكالة بس اثنينه كانوا دااخل وشكلهم بياخذون سيارة يظاربون المدير .. المهم سرت ابا اتناول كاتلوج .. ومابا ارمس مال المبيعات .. إلا أشوف لي كاان يدووخ يايني طر .. واثنين هنووود كانو داخل بعد يايني مثل الكويل .. هههههههه .. قلت بيدعموني .. المهم قلت برمس العربي .. لي هوه كان يدووخ برع .. قال لي شوو تبا .. قلت له ابا اللكزس 570 .. قال لي مااشي لازم تستنى 4 شهور .. وعلى طول قال لي تمويل بتشتري السيارة .. قلت له لا .. كااش .. الفلوس في السيارة .. قال لي شو اللون لي تباه .. قــلت له ابيض لؤلؤي .. قال لي مااشي .. قلت له بهوان عندهم .. شكلي بسير بشتري من عندهم .. ولا اقول لك الكديلاك عندهم ستوك .. بسير عندهم .. زقرني وقال تعال تعال .. المدير حااجز وحده حق شيخ بس بيعطيك اياهاا .. !!! قلت في خااطري اخرررط قال بس اللون سلفر .. قلت بشوف اذا عيبني احين بااخذ.. المهم فتح الاستور لي ورا صالة العرض .. وشفت 4 واقفات !!! استغربت .. قلت له هذوه الأبيض ليش تقول ماشي .. قال هااي مبيووعه .. قلت له خلاص السلفر ماا عيبني .. المهم يلس يشرح لي ويتفلسف قال لي هاا لي دااخل اذا ما خذتها بيشترونها وبتتريا 4 شهوور.. قلت له مب مشكله خل ياخذونها .. بهوان وامريكا ماا يقولون لا .. المهم لبسته .. وطلعت .. اول ماا ركبت السيارة .. رن تلفوني .. بعدني ماا ريوست .. وقبل ما أرد على المكالمة إلا اشووف لك وااحد يااي يربع من دااخل .. يقول لي تعال المدير يباك .. ييب ليسنك والحين بنعطيك تفاصيل السيارة .. واستلمها على طول .. !! انا استغربت .. قلت برمسه شويه .. قلت له كم بتعطيني خصم .. قال لي ماشي خصم بس بعطيك لين 10000 كم تشيكات ببلاش .. المهم .. قلت له اخويه اول ما نزلت شارنها بــ 325000 شوو فيها غير ارتفع سعرها 25000 ؟؟ المهم نهيت ويااه الكلام .. قلت له انا بشوف الكديلاك لان انتو ماا تعطون معلومات صحيحة .. واسعاركم غالية .. اول ما وصلت قلت لي 4 شهور .. والحين تقول تعال شل السيارة .. ماباها .. قال لي انت فكر وانا السبت الساعة 10 بتصل فيك .. بحجز لك السيارة بدون عربون وبدون شي .. والسبت بكلمك .. وبخلص لك كل شي .. ولو تريد بشحن لك السيارة لين بوظبي .. قلت له خير .. في نهاية كلامي .. بس حبيت اوضح للشباب .. انه السيارات متوفره وماا عليكم من كلامهم .. الحين مدير الوكالة بيكلمك عسب تشتري .. وأول موظف المبيعات يقول شووف الكتلوج .. والله صدق الدنيا دوااره .. خلونا نصبر ونشتريها بسعر العالم والناس .. بدال هاا النصب .. وخلوها تخيس ... وهاااي صورة البطاقة .. والمكالمة لي على طول وصلتني .. حذفت منها بعض الارقام .. لانه الموظف ماله ذنب هاا جشع التجار .. في النهاية الموظف يدور راتب ويبا يبيع والتاجر هوه لي ناهشنا .. المهم .. بعد هو يبالهم قرصه عسب يتعلمون انه لعام الماضي كانوا يقولون شوف الكتالوج ويرمس من طرف خشمه .. http://uaesm.maktoob.com/up/uploads/5558f7fdcb.jpg http://www.gulf4cars.com/vb/t25722-28.html#post195494 |
|
السلام عليكم ورحمة الله وبركاته من فضائح ايضا سيارة مرسيدس موديل الحالي وبها مشاكل والوكالة لم تسطع اصلاحها http://uaesm.maktoob.com/up/uploads/fef1312757.jpg وهذه سيارة بي ام دبليو الفئة الخامسة في الصين ولم تسطع الوكالة تصليحها وتم سحبها من قبل ثور http://www.gulf4cars.com/vb/attachme...1&d=1230395591 |
مخزن ليبرتي (همر H3) في الامارات الشارقة
المئات منها :60: http://www.gulf4cars.com/vb/attachme...1&d=1230368326 في شي داش عرض هني :26: http://www.gulf4cars.com/vb/attachme...1&d=1230368326 http://www.gulf4cars.com/vb/attachme...1&d=1230368326 :35::35: |
.. خلوها تصدي ..
وحسبنا الله عليهم .. وصدق من قال : من أمن العقوبة أساء الأدب |
اقتباس:
سمعت ان في الامارات تحجز السيارة لمده 2 او3 شهور كي تستلمها |
اقتباس:
اقتباس:
صحيح الكلام اختي الكريمة تحجزالسيارة لمدة شهر الى اربعة اشهر مع ارتفاع سعر السيارة تدريجيا مع الشهور ولين الوصول. وكذبت الوكالات ان السيارات تصنع السيارات بالعدد المحدد وعلى حسب الطلب. طلع الكلام حاليا ومع فضائح السيارات المخزنة في المستودعات كلها كذب في كذب والسيارات لاتصنع حسب الطلب . حسبي الله ونعم الوكيل |
منتج اسرائيلي في السعوديةعند الجميح السلام عليكم كلنا نعرف وكالات شفرولية بالسعوديه ومن اقدم واكبر هذه الوكالات والتي تتعامل معها الحكومه هي وكالة الجميح الي يتعاملون معك من طرف خشومهم تقل معطينك السيارة هديه واقصد اذا جيت للصيانه انا ماعمري شفت وكاله تجي تدخل سيارتك يقولون خذ موعد لو سمحت والله لو اني ابي اقابل المدير العام على العموم هذي الوكاله تبيع قطع شفروليه طبعااا تحت اسم AC Delco http://members.abunawaf.com/balot/ACDelco/er.jpg قطع غيار اصلية اسف بل قطع غيار اسرائيليه ويقوم الوكيل بتغييرها خارج السعوديه ولكن سبحان الله ..وكما يقولون من الممكن ان تكذب على بعض الناس كل الوقت ومن الممكن ان تكذب عل كل الناس بعض الوقت ولكن من المستحيل ان تكذب على كل الناس كل الوقت طاف عليهم كرتون بالغلط ليكون شاهد على هذه الوكاله واحد من الشباب راح اخوه يشتري قطعة غيار لسيارته وكانت المفاجاة انه مكتوب على قطعة الغيار صنع في اسرائيل .. والمشكله يوم رجع لمدير المبيعات او قطع الغيار وقاله وهدده وبكل وقاحه قاله ياعمي اعلى ما بــ خيلك اركبه وهذي وزارة التجارة روح اشتكينا عندها اترك لكم التعليق http://members.abunawaf.com/balot/ACDelco/DSC07312.jpg http://members.abunawaf.com/balot/ACDelco/DSC07313.jpg http://members.abunawaf.com/balot/ACDelco/DSC07314.jpg http://members.abunawaf.com/balot/ACDelco/DSC07315.jpg http://members.abunawaf.com/balot/ACDelco/DSC07316.jpg http://members.abunawaf.com/balot/AC...pare-parts.jpg القطع والكرتون والفاتورة موجوده عندي وتم رفع قضيه بوزارة التجاره وحتى الان لم يصدر اي شي |
السلام عليكم ورحمة الله وبركاته والله اسعار خيالية والسيارة ماكملت سنة. شو السبب ان سعر يكون مرتفع.....؟؟؟؟ الجشع مخلي شي يرتفع ماينزل؟ 2009 Infiniti FX35 $42,150-$43,600 سعره بالدرهم من 155 الف درهم الى 160 الف درهم 2009 Infiniti FX50 $58,400 سعره بالدرهم 214 الف درهم. FX50s كانت ب 245 والحين 294 الف FX35 كانت ب 210 والحين ب 245 الف !!! ---------------------------------- 294 - 214 = 80 الف درهم في الامارات عن امريكا 245 - 214 = 31 الف درهم في الامارات عن امريكا نصب في نصب |
| الساعة الآن 03:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by