والله هذا من استغفالهم لنا وضحكهم علينا لكن باذن الله ماراح تطول هالضحكه يجي من يكسر هالسنون ان شاء الله
بالنسبه لايكيا انا من يوم عرفتها وانا معلنه المقاطعه من الاسعار الخياليه 6 اكواب ب28ريال خيـــــــــر والله لو انها مذهبه لااااا وكرسي الوراعين البلاستيك اللي مايسوى ب90 سلااااااااااااماااات ؟؟؟؟

للمعلوميه .. جميع ديكورات ومستلزمات ايكيا لاتدوم .

يا اخوي وحدة القياس في الرابط تفرق عن المتر المربع

المقارنة غير صحيحة

أحد الاخوان اللي ردوا اشااااار لكذا

ارجو التأكد

من قال ان اثاث ايكيا زين بالعكس اثاثه عادي واقل من عادي يقدر الواحد يقول انه مناسب للاكواخ اللي عندهم لانه بسيط مافيه اي فخامه وحتى الاواني المنزليه عاديه لديهم شي واحد يمكن ميزهم
الدعايه والكاتلوج اللي يوزعونه كل سنه وكل ماشافوه الحريم طمرن ايكيا وزعت الكاتلوج حق هاالسنه ياالله نروح وبعدين كل وحده تقلد الثانيه تبي تروح مثلها 0 طبعا ليس هناك مقارنه بين ايكيا ومحلات الاثاث الفخم اللي في الرياض ومحلات الاواني المنزليه لان اللي بيروح هالمحلات بيعاف ايكياوانا كنت اولهم 0

ياللله خييييير

اصلا احنا يالسعوديين ماتنفع لنا الي من ايكيا ماهيب حقات كرف صراحه تجلس كم يوم وتخرب :eek:

زي انا شاريه منهم ميزاان مدري بكم رخيص انا انهبلت قلت شكلي باخذهن كلهن
وربي وربي قست وزني يمكن مرتيين والثالثه علق الجهاز على 58 قلت يؤيؤ نحفت مره ووناسه

يوم ناظرت اثاريه خربان

اجل ايكيا هاه!!!!!!!!!!!

والله لو اني شاريه من صيدليه اطلس اصرف لي

السلام عليكم ورحمة الله
اعزائي اعضاء هذا المنتدى الغالي الكرام ارجوا ان تتقبلوا مروري على هذا الموضوع الذي شدني اليه حيث انني اعمل بشركة ايكيا فرع الرياض وودت ان اطلعكم عن بعض التجاوزات التي تحصل ومازالت تحصل في داخل هذه الشركة .وفي نفس الوقت اوضح لكم بعض النقاط اللتي تخفى عنكم.
بالنسبه الى عمل التخفيضات هي عمليه يقوم بها المعرض او الشركة وذلك لتصريف منتجات معينه وذلك لاسباب كثيرة حيث كما تعلمون ان ايكيا الكويت احيانا تضطر الى عمل تخفيضات وذلك لأن بقاء المنتجات بداخل المعرض يكلفهم قيمه اعلى لان معارض ايكيا مصممه على ان يكون مستودع المعرض بداخل المعرض كما راى البعض منكم خلال تسوقه في اي من معارض ايكيا .فعندما تتكدس بضاعه من نوع معين فهذا يعيق المعرض من استقبال منتج جديد لان المنتج الذي سوف يتقبلونه لا يوجد له مساحه كافيه داخل المعرض فتقوم ادارة المعرض بعمل تخفيضا على المنتج القديم ليتوفر لديهم مساحه لاستقبال المنتج الجديد مع العلم انه لايوجد فرق بين منتج جديد او قديم داخل ايكيا الا ان المنتج الجديد له الاولويه بالمساحه في داخل المستودعات .فلهذا السبب تقوم ايكيا الكويت بهذه الطريقه اما في السعوديه فتقوم ادارة الشركة بتصريف المنتجات بطريقه توزيعها على معارضها الثلاثه وهي معرض جدة والرياض والظهران وبهذه الطريقه تستفيد من خسراتها عن طريق عمل التخفيضات على المنتجات وهنا احب ان اذكر لكم ان طريقه ايكا السعوديه بحساب نسبه الربح هيه طريقه ثابته حيث انهم يقومون بإحتساب نسبه مئويه تسري على كل المنتجات .اما بالنسبه لشركة التوصيل والتركيب فأيكيا حول العالم سياستها هي ان العميل يقوم بخدمة نفسه داخل المعرض وقيام ايكيا السعوديه بتوفير شركة مختصه بالتوصيل والتركيب هي خدمه اضافيه.

صحيح ان هناك بعض التجاوزات ولكن هذه التجاوزات تكون من نفس ادارة المعرض لانها تعمل بسياسه (خذوه فغلوه)يعني يجيبون الموظف ولا يعطونه دورات تدريبيه ولا اي شي وتلاحظون ان فيه شباب كثيرين لسا متخرجين من الثانوي ما عندهم اي خبرة في الشغل اقل شي يعطونهم دوراتو يبغونه يسوي كل شي مع الملاحظه انهم مشددين على السعوديين فلذلك احيانا تقلى الموظف نفسه في خشمه وهذا اللي خلاني اقدم استالتي من الشركة مع اني قدمت للشركة الشي الكثير ولا قدروني بالعكس كنت اذا اخطيت بشي بسيط حاسبوني واذا عملت شي مميز ولا حتى يشكروني تصدقون انهم حطوني مشرف منطقه ولا دربوني ولا شي وكنت اشتغل وابيع واشرف على المنطقه وكل شي انا اسويه واخر شي علشاني غبت يوم قالو بيعطوني انذار صدق ادارة تعبانه وعلى هذا كله يعطونا رواتب 3300 تخصم منها التأمينات وتخصم منها مبلغ 124 ريال صندوق ادخار وغير المطعم ملزوم تشتري من مطعهم وما تقدر تحاسب كاش يسلمونا بطاقه تشتري من المطعم ويخصم من الراتب وما تقدر تعرف كم اللي خصموه وتتفاجأ اخر االشهر مخصوم 300 او 400 يعني يصفالك اخر الشهر راتب 2500 تقريبا قسم بالله ترى كنت اتلك من قهر .


اخيرا معليش على الاطاله وتقبلوا مروري

بما إن عندك هالمعلومات

راجع الشركة الأم وأرسل لهم وأطلب منهم تفسير لهذه الفروقات الواضحة

بالفعل لو كان فيه كثير من الشكاوي اكيد بيتغير شي .

يا جماعه السؤال اللي يطرح نفسه

من بقى ما ضحك علينا حتى البنقالي رحت اصلح مجفف الشعر حق اختي عقب ما فكيته و اكتشفت انه يبيله لحام صهر بس و انا ما عندي قلم لحام قلت اروح للبنقالي

المه قال 30 ريال ووووووووووووووووووجع

وشووووووووو قال 30 ريال و تعال بكره و انقهر منه ووووووووووووووولعت

قلت صديق سوي هذى لحام بس الحين قال لا مشكله غير هادى مو مشكله

قلت انا ما ابيه يشتغل بس سوي لحام للسلك

قال طيب و يلحم السلك و اجربه عنده و يشتغل

و اشغله على الحااااار و احطه على وجهه قلت له يشتغل ولا لا ؟؟؟

و اتفل بوجهه و اجدع عليه 5 ريال

قهرني ينعن يووومه

المهم نرجع و نقول ما فيه احد الا و ضحك علينا و بس

صراحه ايكيا استغلاليه من الدرجة الاولى واسعارها مبالغه فيها لدرجة عجيبه ..
فعلا الصوفه الي بـ 6000 ريال .. ليش ... شكلها غبي وغير مؤهل اصلا للإستخدام او جعلها اساسيه في المنزل ..لكن للاسف اغلب شعبنا تعود على الشراء من هالاماكن التافهه للتفاخر لا اقل ولا اكثر ..

لكن لو الواحد يحكم عقله يشوف الفرق ..

انا بغيت اشتري صوفه ولما رحت ايكيا انصدمت بالأسعار شي خرافي .. ولما رحت لأسواق العويس على طريق الملك فهد اخذت صوفه وولا احلى منها بمخداتها واللون الي ابيه بحوالي 1600 ريال ....

يعني الفرق 4400 ريال ......

فأرجو من الاداره مخاطبة الشركة الام وارفاق صورة من بعض السلع الموجوده في الكتالوج السعودي لاثبات ذلك ....