اقتباس:
|
اتمني نقل اليوميات الي المنتدي العام
|
يا أبو فقران تراك تأخرت علينا
مشتاقين لك وليومياتك عجل علينا |
يا مسلمين وين السيارةوانا في حيرة من امري واذا بأحد الاشخاص مناحد المحلات التى اوقفت السيارة بجانبها يقول لييا حاج اعتقد انسيارتك قد سحبها المرورفقلت له ولكن موقفي نظاميقال وان كاننحن هنا متعودين على سحب السياراتحتى ولو كانت واقفة نظامي حقين الشركة اللي بيسحبون السيارات على كيفهم
قلت حتى شركة سحب السيارات تسحب على كيفها هذه حاجة اول مرة اسمعها المهم قلت له كم تتوقع ياخذون حق السحب قال 100ريال نقداً وعداً قلت لا حول ولا قوة الا بالله رحت مشوار 80 ريال سحبوا السيارة 100ريال المهم أخذت من الرجال الله يجزاه خير عنوان الحجز اللي يقع خارج نطاق المنطقة المركزية وعلشان الزحمة مشيت حوالي نصف ساعة حتى ابعد عن المنطقة المركزية وطلعت مع سواق تكسي الى الحجز ب10ريال وصلت الحجز وقابلت الموظف وقلت له ما جتكم سيارة كورالا لوحة رقم *** ص ل م قال : ايه عليك الله موجودة قلت : طيب يا أخي ما يسير تسحبوا سيارات الناس وهم واقفين نظامي قال : يا أخي أحنا ما نسحب الا اللي يوقفون غير نظامي قلت : له ما شاء الله عليكم الواحد ما يزكي نفسة لكن يعلم الله اني كنت واقف نظامي قال : مكتوب عندي هنا يا زول انت واقف غير نظامي قلت : والمطلوب قال: عليك الله 100 ريال بس قلت ما شاء الله بس تسحبون ومن كل سيارة 100ريال يعني يخلص رمضان والحبيب صاحب الشركة مطبق 10 مليون اللهم لا حسد بس خافوا الله فينا كم عندنا 100 ريال تصدق انا تارك عييلي وجاي هنا علشان مشوار ب80 ريال . تصدق انه باقي 10 دقايق على الفطور و اول يوم في رمضان افطر بره علشان مشوار ب80 ريال تصدق ما في جيبي هذا الا 80 ريال خافوا الله . وانا في جدال مع الزول الا داخل علينا واحد معصب ويقول يا حيوانات يا كلاب خربتم صدام السيارة بسحبكم السيارة انتم بهايم ما تعرفون كيف تسحبون السيارات بدون ما تخربوها وفي قمة المشكلة قلت للزول يا الحبيب ما يسير تاخذ 80 ريال وتعطيني سيارتي والله يجزاه خير وافق واعطني السند ومفتاح السيارة وانا داخل اشغل السيارة الا اذان المغرب يأذن بالافطار شغلت سيارتي والحمد الله أعطاني وانا خارج من الحجز احد العاملين قارورة موية صحية والحمدالله وصلت البيت على الساعة 7 والنصف وكانت ام فقران مجهزة الفطور وما أكلت هي والعييل حتى وصلت وكان فطورنا والحمدالله عبارة عن شربة كويكر وفول معمول في المنزل وسنبوسة جبنة والحمدالله اكلنا وشبعنا وحمدنا الله (احنا شبعنا والحمدالله حتى الفقير يشبع ) ولم يكن هناك جديد في يوم الخميس والجمعه اما السبت الموافق 3 رمضان فكان يوم حافل يتابع |
السبت سبوت والاحد نبوت
|
متابع حتى النخاع . . .
|
هيا يا ابو فقران
هيا ياهووووه ترا ننتظر |
ماشاء الله شوربة كويكر
يتبع 7 7 7 7 7 7 كمل الله يعينى ويعينك |
يومك سنه يا ابو فقران
عجل علينا |
سؤال بريء:
الله أعلم كم يوجد في المملكة طفران بن فقران؟؟؟؟؟؟؟؟؟؟ كان الله في عونك اخي الكريم واسمح لي بأن اذكرك بقول الشاعر: ولرب ضائقة يضيق بها الفتى &&& ذرعاً وعند الله منها المخرج ضاقت فلما استحكمت حلقاتها &&& فرجت وكنت اظنها لاتفرج وقبل ذلك قول الحق تبارك وتعالى: قال تعالى: {وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ} [النحل 96] وقال تعالى: {إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ} [الزمر 10] |
| الساعة الآن 06:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by