خبر مفرح , اكيد له اعوان مشاركين له , والمفروض يستعجلون في الامر الناس تنتظر على احر من الجمر .
توالليل الف شكر وتقدير لشخصك الكريم |
اقتباس:
ومايضيع حق وراه مطالب الدولة وضعت انظمة تكفل حق المواطن .. اذا الكرة بملعبك يامواطن طالب بحقك بطريقة نظامية ستاخذه |
مشكور على الخبر المفرح أخي الكريم..
نقول يارب يعجلوا في صرف حقوق الناس عشان يقدروا يستفيدوا من قروشهم في العيد. ياريت ياجمرة غضا ترسلي بالإيميل أو الخاص لكل من شارك في هذا الموضوع شاكيا من تعرضه للنصب من قبل هذا المكتب لتبشيرهم و لكي يلحقوا يتابعوا الموضوع ويأخذوا حقوقهم. |
وجش
أنا قدمت على سواق وأسبوعين وجانا والمكتب 3000 وتقدر 1500 قبل و1500بعد |
اقتباس:
تم الارسال عن طريق المراسله البريدية .. ووضعت لهم رابط الخبر.. ويبقى عليهم المطالبه بحقهم ..... والله يرد لهم حقوقهم |
الله يبشرك بالخير يا تو الليل وانتي كمان يا جمرة غضى وصلتني الرسالة بالايميل
ودعيت لكم من قلبي |
جمرة غضاء
كل الشكر والتقدير للمواصله والمتابعه لموضوع (مكتب الصهيبي) وابلاغي بما يجري عليه بس السؤال بعد القبض عليه وش يكون الوضع !!!!! لان لايمكنني المتابعه عن قرب لوجودي خارج الرياض حاليآ .. لاهنتم جميعآ . |
انا تقدمت بشكوى على شرطة الروضه وحولوني عاى المحكمة الجزئية موعد ين عند الشيخ ولم يحضر واخذ ت موعد بنهاية شوا ل والله يعين وبشوف النهاية
|
انا مقهور من الصهيبي وفلوسنا راحت اروح لشرطة الروضه يقولون بلغناه عن موعد المحكمة اروح للمحكمة على الموعد مايحضر ولا حتى كفيله ما ادري وش الحل
|
الصهيبي الله لاينور عليه قبرة
السلام عليكم ورحمة الله كيف حالكم اخواني الكرام:لقد تمت مراجعتي اليوم بتاريخ 23/10/1430هـ للمحكمه الجزئيه وقد استلمت منهم خطاب احضار لرجاء سعود العنزي وقد قمت بتسليمه لسجن الملز و موعد الاحضار يوم السبت 5/11/1430هـ الساعه 9.30صباحا ارجوا من له احد بسجن الملز متابعة الموضوع حتى نسترد حقوقنا. تحياتي للجميع............. |
السلام عليكم
أخوي تو الليل ردد ياليل ما طولك أنا كان موعدي الثالث امس الاثنين بتاريخ 23-10 ولا جاء وللعلم هذا الموعد الثالث وكلها مايجي أخذت موعد جديد موجه لسجن الملز ولكن المصيبة ؟؟؟ يقولون مافيه أحد عندنا بالأسم هذا ؟؟؟ بعد ماشيكوا بالحاسب رحت على طول شرطة الروضه والرجال تم تبليغه يوم السبت وموقع بعد؟؟؟ |
اقتباس:
======= لا تتركون حقكم ,,, مهما تحايل أو تهرب مصيره يخضع للنظام والقانون |
أنا ممن قدموا على هذا المكتب وطالني ماطال الآخرين من نصب وإحتيال ولكن لم أقدم أي شكوى ضدهم فلمن أذهب ؟
مع العلم أنهم قاموا بإستخراج تأشيرة للخادمة واستلمتها وقدمت على مكتب آخر ولكن أريد باقي مبلغ التقديم . أفيدوني مشكورين وأسأل الله أن يرد حقوق المسلمين :crying: |
امس راح زوجي المحكمة وهذا ثالث موعد ونفس الشئ .. ما جاء وعطوونا موعد بعد ثلاثة شهوور ..
لا وجاء يبشرني انو الله كافله رائد في الحرس الوطني ويقول قابليني لو جابو الرائد المحكمة .. يعني ايش ضاعت فلوووسنا ... |
مرحبا اخواني الكرام:
لاتضيقون صدوركم ولاتزعلون صح قهر بس الله فيه وخلواملنا بالله كبيرواذا ضاعت فلوسنا في الدنيا ماتضيع في الاخرة والله لايحلله ولايبحه وجعل كل ريال ياكل بالحرام مرض في بطنه وسرطان يفتت عظمه ويهلهل اسنانه قولو ((امييييييييييييييييييييييييين)) |
تهريب
مرحبا اخواني الكرام : لقد تمت مراجعتي للمحكمه اليوم السبت 5/11/1430هـ ولم يتم حضور رجاالعنزي وقد طلب القاضي من الكاتب الاتصال بالكفيل الرائد لمعرفت سبب عدم حضور رجا فقال انا اسقطت كفالتي عنه ولا اعلم عنه شي . هكذا اصبحت واضحه تلاعب في المناصب كفيل ذا رتبه محترمه الى ان تم الافراج ذهب واسقط الكفاله تهريب واضح اكيد دافع له مبلغ. ((حسبي الله ونعم الوكيل)) |
اسقاط الكفاله وش يترتب عليها ؟؟؟
يعني تعيدوا الكره من جديد ! ---------- والله يا اخوان نصيحة لا تياسوا أبد استمروا بالمطالبة و"تحسبوا عليه وعلى كل لص متلاعب دنئء " |
يااخوان هناك تهاون من الشرطه وتغيير القضيه لصالح المذكور
|
ان شاءالله خير
السلام عليكم اخواني الكرام: كانت اليوم السبت جلستي لدى القاضي وحضر المدعو رجا العنزي وقد صدر لي صك بالمبلغ على ان يتم سداده في مدة شهرين وقد تكفل بذلك لدى القاضي وعلى ذلك جرى التوقيع . ما نقول غير حسبي الله ونعم الوكيل. |
اقتباس:
*************************************** تبون الجد :mad: المفروض عند وجود تلاعب بأموال المواطنين المفروض أن يجبر المتلاعب على دفع الأموال + تعويضات + سجن |
طيب ليش حنا ما سوولنا زيكم يا تالي الليل وجمرة غضا ...
لالالالا ليش يعني عطوونا موعد بعد ثلاث شهووور .. يالله ارتفع ضغطي... |
مرحبا اخت ام دينا انا كانت مواعيدي كل اسبوع يوم سبت لين انتهى الموضوع وكانومتعاونين جدا معنا ومقصروبس غريبه موعدكم بعد 3 اشهر ليش وش السبب في التاخير |
مدري والله .. علمي علمك ..
على العموم اذا حصلتوا شئ عطووونا خبر.... |
اقتباس:
وين يا أخت جمرة الحين شهور ما قدروا يوصلوا للنصاب مو يستردوا حقهم فكيف يحصلوا تعويضات او غيره خصمهم الحقيقي الشرطة والا يسجن ويفك وتسحب الكفالة وشغلات غامضة ومريبة اول مرة نسمع عنها وراها يد عارفة بالنظام وثغراته اللي مالها حصر وجهل معظم المواطنين بالأنظمة |
يا اخوان من الحكمة انتظار اقوال الطرف الاخر
لا تطيرون بالعجة من يثبت لي لو ان كاتب الموضوع صاحب مكتب استقدام ومكتب الصهيبي اخذ زبائنه منه يا اخوان شوية عقلانية |
ضم له مكتب عبدالله المشرف للاستقدام
نفس الحركة سووها فيه واكثر موقعهم بعد مخرج 12 الدائري الشرقي الرياض ، قريب من معهد نيوهورايزن |
أخواني المتضررين من مكتب الصهيبي
ارجوا قبول اعتذاري لانني لم اقرأ الموضوع الى اخره اما بخصوص نصب واحتيال المكاتب هي بسبب عدم وجود رقابة عليها |
تو الليل )
الحين عرفت ليش انتوا خلصت معاملتكم بسرعه واحنا لا ... لان طحنا عند شيخ بس مو عيب بالشيخ بالسكرتير اللي عنده تخيلو المواعيد كل ثلاث اشهر ومو متعاون ويستنذل والله زوجي يدعي عليه ليل ونهار..وحول القضية الى الشيخ اللي ماسك القضية وتخيلوا متى عطونا موعد بعد يومين وراح زوجي وخلصت الاجراءات ... حسبي الله على بعض الموظفين لاذمة ولا ضمير... ......................... (شمووووخ) ضحكتيني والله ..روووحي يا ماما المحكمة وشوفي القضايا بس انتي روحي وفيه ملف خاص بمكتب الصهيبي... حتى الاوراق طابعينها اللي بيجي يشتكي بس يكتب اسمه ويوقع... وروحي مكتبهمم مشطب وفيه اعلان من الشرطة اي احد تعامل مع المكتب يذهب الى شرطة الروووضة ... |
الله يقويكم
وما ضاع حق وراهـ مطالب وانا انصحكم تقدمون شكوى جماعيه على ديوان المضالم ايضاً وان تشتكوا الرائد الذي كفله فتره ثم سحب كفالته له لان الموضوع فيه تواطئ ايضاً من المسؤلين في الشرطه والا لما سُحبت الكفاله والقضيه لم تنتهي وفقكم الله |
هل استجد بالأمر خير !
|
فكر شارد
ماعندك احد.. نروووح ونجي ومافي شئ على العموم اللي رجعت له فلوووسه يعطينا خبر.. علشان يصير عندنا بصيص امل... |
وش صار عليكم ؟؟؟
|
| الساعة الآن 07:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by