دخلت أبغا أطرح تساؤل لقيتك كتبتي اللى بنفسي كامل مكمل بالذات جزئية "" هو فيه احد ياخذ من هرفي ؟ ""

عندنا بجده له فرع بمركز الباروم , أغلب رواده الجالية الفلبينيه و له فرع بنهاية شارع حراء مدرى صكر ولا مازال لأنه الإقبال عليه أضعف من أصغر كافتيريا بنفس الشارع .

غلطت مره و أشتريت منه قبل 10 سنوات .. قسم بالله مسكت فخذ الدجاج و عصرتها صارت تكب زيت ( مش تنقط .. تكب ) ,, تركت الوجبه زي ماهيه و خرجت و إلى الآن .

و قبل 9 شهور ورطت أبغا ناجيت دجاج و مالقيت الا حق هرفي بالبراده , أخذته على بالى إنى اقدر أتحكم بالطعم لأنى واثق إنه مختلف عن الناجيت اللى أبغاه ,, قليته و قدرت أتفادى تشبع الزيت بالنسبه , لاكن الزنخ مالقيت له حل ,, سبحان الله سمك القرش اللى كل شئ فيه مر مالقيت فيه الزنخ هذا .

اكل غريب

لسه من يومين بس أكلت عند هرفي فرع مارينا مول

الكاشير طلب مني ريالين زيادة قلت مفيش مشكلة بس ليه قالي مافي الا الحجم السوبر

جيت أكل الساندوتش لقيت السوبر هذا ايه ؟؟؟
والله حرام عليهم يخسرون زباينهم وبعدين المحل يسكر والموظفين مايلاقوا عمل !!!

ماكدونالدز دبل تشيز ب 5 ريالات وأكبر وأطعم من هرفي الي ب 17 ريال !!!

وكمان معدتي وجعتني وكنت علي وشك الذهاب للمستشفي والله علي ما أقول شهيد
أخوكم مصري مقيم بالرياض

بالأمس حصل لي موقف في أحد فروع مطعم هرفي وهو انه يجب علي ان أخذ الحجم السوبر ولايوجد أحجام أخرى حسب افادة موظف المطعم والسؤال : إلى هذه الدرجة لاتحترم رغبات الزبون اضف إلى ذلك خسارته المادية والصحية بسبب ارتفاع معدل السعرات الحرارية في الحجم السوبر.

يجب ان تنتبه إدارة مطعم هرفي إلى هذا الشيئ وتحترم رغبات زبائنها، وإلا البديل جاهز وسوق المنافسة مفتوح ، والبقاء للأفضل دائماً.

تم نشر الموضوع على صفحة مقاطعه على الفيس بوك