حقيقة مالي نفس أعلق !

بس مشاركتي عبارة عن سؤال تحدي من النوع التعجيزي ....

هل يوجد بالبلد منشأة حكومية كانت أو أهلية تعمل بما يرضي الله ؟!!

من لديه الجرأة لذكر ربع مؤسسة أو منشأة، فليتقدم لحتفه، وفي حالة النجاة لاسمح الله، الجائزة
عبارة عن بطاقة صراف بتخفيض مغري وفي موقع استراتيجي على ثلاث شوارع.

انا اليوم رحت للبنك الاهلي بسوي تحويل من حساب الى حساب في نفس البنك الاهلي لواحد من الشباب
وبعد ماسويت التحويل اخذت الإيصال وحطيته في السيارة.
وبعد مارجعت للبيت اشيك على الإيصال تفاجئة خااصمين 5ريال مقابل التحويل
حتى الموظف مااقالي شي عن الخصم .....حسبي الله ونعم الوكيل
ماادري ليش الخصم هذا ؟؟؟

تم نشره بموقع مقاطعه على الفيس بوك

نفس مشكلتك بس انا عندي واسطه طلعتها ببلاش :thumbsup:

انا لي اكثر من شهرين مع بنك السامبا

اسحب الراتب كامل واضعه في بنك الإنماء

لإن البطاقة انتهت في السامبا ولم يستخرجوا

بدلها حيث يطلبون مبلغ 76 لأستخراجها

ولكن بنك الراجحي حسب الواسطة تصدر

الصرافة

فأتجهت للإنماء ووضعت كل الفلوس هناك

وخدماتهم على النت جيدة ونشوف وضعهم

ينضبطون والا البنوك على قفا من يشيل

حشرنا السامبا بالقروض

نعوذ بالله من الدين ومن قهر الرجال.

حيل الله اقوى

قبل فتره رحت لمؤسسة النقد لشكوى البنك الاهلي

بعد ماكتبت شكواي مدعمه بالاوراق اللي تدين البنك قلت للموظف ابي حقي وابي تعويض

قال لي يابن الحلال عسى يجيك حقك حنا لوفرضنا غرامه على البنك تجينا اوامر من المحافظ والمتنفذين اللي تحته بالغاء الغرامات وانت تطالب بتعويض !!

البنوك هنا في ماخذه راحتها على الاخر .
نحط فلوسنا عندهم ولا ناخذ ولا هلله واحده في الشهر او السنه على فلوسنا .
ويتاجرون بفلوسنا ويكسبون ولا نشوف ريال منها .
ونطلب اي خدمه منهم ونعطيهم فلوس كمان مثل بطاقة الصراف .
وازيدكم كمان اذا جيت تسحب فلوس من حسابكم عن طريق البنك تقول انك جاي تشحذ مانت جاي تاخذ من فلوسك .
البنوك في الخارج المودعين ياخذون فوائد (ربويه) على فلوسهم وبكذا البنك ما يكسب كثير .
وهنا ياخذها البنك وهو يضحك .
والله لو ما خوفي من الحرام لأطلب الفوائد حقت حسابي واذا جتني الفلوس احرقها .
بالتوفيق ..... ياحنا شعب مغلوب على امره .

انتهى تاريخ صلاحية بطاقتي فأتصلت على البنك لعدم ارسالهم البطاقه الجديده

فقال لي الموظف انها أُرسلت على بريدي المغلق منذ مدة ولذلك يتوجب علي دفع مبلغ 150 ريال

رسوم اصدار بطاقة جديدة مع العلم انهم كانوا يرسلوها مجانا قبل سنه

صارت معي المشكله البطاقة ما انتهت صلاحيتها وجهاز الصراف سحبها وسألت الحارس قال الجهاز عطلان
المهم رحت حق البنك قلت بطاقتي سحبها الصراف ماانتهت صلاحيتها قال يعني اصدار جديد قلت ماعليها رسوم
قال عليها رسوم قلت ماانتهت بطاقتي وكيف يجي عليها رسوم المهم قلت لهم انا دقيت على خدمه الهاتف المصرفي وقالوا لي اي بطاقة غير منتهية الصلاحية لايجوز اخذ عليها رسوم فقال لحظة وكلموا المدير وقال اعطوه البطاقة بلارسوم عندها شكرتهم . وشكرا

اشكر جميع من علق على الموضوع والحقيقه ردودكم فيها من

المعاناة الشي الكثير وما قلتم هو غيض من فيض


اشكر جميع من ساهم وعلق تقدير واحترامي