العذر والسموحة ياكتاب الموضوع بس موضوعك سخيف وتبي تسوي ضجه على غير سنع

يقلع شيطانك توه ماسك الوزارة واذا بغيت الصدق فهذا المرض عبارة عن إنفلونزا عادية وربما أخف ورح تأكد من اللي يصابون من الأنفلونزا العادية بتشوفهم دبل عشرين مرة ونفس الشي في اللي يتوفون منها.

قال أيش قدم إستقالتك...وووووين عايشين عشان يحطون لنا قصيمي ويوظف كل أهل ديرتة اللي يسوى واللي ما يسوى.
عذراً بس هذا الواقع.

وش بهم القصمان !!!! مستوردين من الخارج أو بهم عيب شرعي :think:

اقتباس:

وش بهم القصمان !!!! مستوردين من الخارج أو بهم عيب شرعي :think:

مافيهم شي لا أحد يفهمني خطأ ويفسر كلامي على كيفه كلهم حبايبي وربعي

بعدين وشفيك عميدتنا طبيتي علي صارووووخ

( ترا كل بيت وفيه حمامه) قصيمي والا غيرة

والله يا خالد تو الوزير ما أخذ المنصب وله إصلاحات بالوزارة ...
اللي ياليته يطلع منها هو وزير التجارة ... لم نشاهد له لقاء مباشر مع مستهلكين .. ولا تصريح يخص الغلاء أو التقليد أو المواد المسممه والمسرطنه .. ماسمعنا أنه عاقب من جلب الحليب الملوث !
لكن ماشاء الله شاد عميره بإجتماعات مع التجار لتفادي أثر الأزمة العالمية عليهم :confused:
توني ما طبيت :lol:

نأمل فعلاً ان يكون هناك تغييرات إيجابية قادمة ، لكن المشكلة هي في رأس الهرم !
الفشل الذريع _حتى الآن_ للدكتور الربيعة في منصب وزير الصحة غطى على عمليات فصل التوائم الشهيرة التي قام بها ونجحت "إعلاميا" !
الربيعة سقط في أول إمتحان له ولم يستطع ان يتعامل بشكل مهني مع وباء " انفلونزا الخنازير" واصبحت السعودية من الدول المصدرة للوباء عالمياً ، وانتظروا موسم العمرة في رمضان .. الذي اسأل الله عز و جل أن يمر بسلام على المعتمرين والمسلمين وزوار بيت الله الحرام !


شكراً جزيلاً جمرة غضا ... ولك تحياتي

لله يعطيك العافية ابو خالد
انا اقول من يوم حطوه وزير انهم حطوا الرجل الغير مناسب في المنصب الكبير والي يحتاج له عقلية أدارية كبيرة وخبرة متمرسة
اجل عشان نجاح كم عملية فصل توائم خلاص يحطوه وزير
طيب فيه ياما اطباء مسويين عمليات ناجحة في القلب والمخ والأعصاب والعيون
ورا ما حطوهم وزراء بعد

عموماً انا اتفق معك ابو خالد ان الوزير فشل في اول عاصفة فشل ذريع
ولا قدر يحتوي المرض حقيقة
المفروض كان كل المسافرين يتم الكشف عليهم في المطار والتأكد من سلامتهم قبل دخولهم البلد
والأدهى والأمر ان العدوى تنتشر في المراكز الطبية اللي مفروض انها توفر الصحة مو تعدمها

الشكوى على لله
وزرائنا يضرون أكثر من ما ينفعون

تم تعيينه بالنيّة الطيبة و بركة دعاء الوالدين بس ، البلد هذا ماشي بالبركة ، لأنه أكثر طبيب سعودي يظهر في الإعلام و وجهه مألوف و حين كانوا يبحثون عن شخص لمنصب وزير الصحة كان هو أول من خطر على بالهم.

الله يرحمنا برحمته .

أخي الكريم ..

انا كاتب الموضوع واعني كل كلمة فيه وليس انا من ينقل و "يقص ويلصق" !

أراك يا عزيزي تدافع عنه وكأنه أحد أقاربك وتقول انه " مشهود له بالخير" هل الربيعه جاء ليخطب حتى نقول انه مشهود له بالخير و يصلي ومتدين !!
هذا وزير الصحة هل تعرف معنى منصب وزير الصحة ؟
إما أن يكون أهلاً لهذا المنصب أو فليتفرغ لفصل التوائم المغربية والمصرية ومقابلة كاميرات الإعلام ومذيعات الفضائيات ولا يتعب نفسه ويتعبنا معه !
والله لو يأتون بشخص "يهودي" لكن يتعامل بمهنية وإحترافية في إدارة الشؤون الصحية ويسلموه منصب وزير الصحة لهو أفضل ألف مرة من هذا "الربيعة" الذي " سيودي البلد في ستين داهية" !
ومنذ ان كتبت ردك أخي الكريم حتى لحظة كتابة ردي هذا ارتفع عدد المصابين بالإنفلونزا إلى قرابة الـ 220 مصاباً !

أما مقارنتك بأمريكا فهي تدل على جهلك بنوعية المرض وأسباب إنتشاره .

ومطالبتك العلنية للإدارة بحذف الموضوع تعد مخالفة صريحة لقوانين وشروط المنتدى التي تكفل حرية الرأي للجميع وكل كاتب يتحمل مسئولية كتابته ، ولذلك و من باب الحرية أطالب الإدارة الموقرة بإيقاف عضويتك رداً للإعتبار.

لايصح سوء الضن لان بعض الضن اثم الواحد يحط نفسه مكا نه بيقعد باالمطار ويكشف على كل واحد يجي ناامل المزيد من الحرص من وزارة الصحه نرررررررررررجوكم