الله يكون في العون...
بصراحة .. يومياتك يا أخي طفران تنفع مسلسل مكسيكي 300 حلقة. قد ماتكتب و قد ماتوصف ما راح تغطي ربع إللي بيحصل في أرض الواقع. كان الله في عونك و في عون كل الشرفاء في هذا العالم. (أما حكاية البلدية .. كثر منها .. أربعة شهور عشان نقل رخصة محل ... مو هاين عليهم ينهوا الأوراق نظامي .. رغم إنهم كانت عيون المراقبة عليهم و ماهم قادرين يقولوا لي أدهن السير خايفين أسوي لهم كمين .. المهم ماقدرت أخلص الأوراق إلا بعد كل كلفة و كذا واسطة). بقية القصة.. حدث ولا حرج. ختاما ... أحي فيك روحك المتسامحة و أخلاقك العالية و إمتناعك عن الإنجراف والإنحطاط لمستوى كل من أخطأ عليك بأي شكل من الأشكال. المهم ... بعدين ... إيش صار؟؟؟ |
حلو, بعدين وش سويت؟؟؟
متابع (^_^). . . . |
الف الحمد لله على خروج السيارة :)
متابع.... |
يا ابو فقران
يا اخوي لزوم تعوضنا عن ايام الانقطاع صح والا لا يا الربع ؟ |
صحيح يالمنير . . .
نبي تكملة القصة من 100 سطر . . . بدل تأخير . . . :) |
نتابع اليوميات حتى نعوضكم ما فات
ذهبت الى حوش السيارات واخذت سيارتي وكانت فرحتي لا توصف وقررت ان أعود الى المنزل لكي احتفل انا واطفالى بالسيارة وانا في الطريق واذا بي أرى شخص يرغب في مشوار قلت في نفسي الحمد الله يالله نوصله ونكسب 10 ريال حق العشاء طبعاً احنا في الظهر بس الفقير يحسب للعشاء والحفايظ والحليب والمستشفيات وكذالك البنشر واعطال السيارة المفاجئة ومع غلاء الاسعار سرنا نحسب لكل شي يعني سار عندنا البيبسي ترفيه والبيك ( عندنا في جدة بروست) طفره و الملاهي حق العييل بزخ وفشخره زايده معلينا وقفت للرجال وقلت له مشوار قال نعم قلت على فين قال الصناعية قلت 15 ريال قال 10 ريال قلت طيب يالله توكلنا على الله المهم طلع الرجال جنبي طبعاً الرجال شخصية ذاك الشماغ المتعوب عليه والمسبحة في يده ينقلها شوية من يدة اليمين الى يده الشمال بتناقل عجيب تطير من يد الى يد بكل دقة وريحة العطر تدخل في خشمي وتطلع من وذاني ماعلينا ما نقول الا ماشاء الله اكيد هذا مسؤال في احد المصانع ولا صاحب واحد من المصانع ولا ولا ولا المهم الافكار تتصارع في مخيلتي وانا اللي طول حياتي ما تخيلت كيف شكل 10000 ريال كيف تجي لو كانت ابو ريال او ابو خمسة ريال او حتى ابو 500 وانا افكر وافتكر في هذا الرجال الا هو قال لي انت من فين قلت انا من جدة قال من فين في جدة قلت ساكن في حي الجامعة قال وانا كمان قلت انت ساكن عندنا في نفس الحي قال ايوه قلت بس شكلك كشخة حسبتك واحد هاي هاي قلت ايش عندك رايح المنطقة الصناعية قال رايح ........................ نتابع في الغد |
نتابع اليوميات حتى لا يزعلون الحبايب
قلت ايش عندك رايح المنطقة الصناعية قال رايح المنطقة الصناعية محول لواحد من المصانع الوطنية قلت ايش تخصصك قال تخصصي صيدالي متخرج بتقدير ممتاز قلت له مين اللي محولك قال مكتب العمل المهم وصلته للمشور واخذ رقم جوالي وجاء يحاسبني حلفت اني ما اخذ منه الرجال على باب الله وهو طالع سألني وين ساكن في حي الجامعة بالضبط فوصفت له البيت ونزل من السيارة وانا ادعي له ان الله يوفقه رجعت بالسيارة الى الطريق في أتجاة البيت الا الجوال يرن قلت الووووووووووووووووووووووووووووووووووووووووووو قلت ام العييل السلام عليم قلت هلا والله وعليك السلام ورحمة الله وبركاته قلت ابو فقران قلت اختصري مافي حق الفاتورة بسرعه طبعاً استخدام الجوال من ام فقران لا يحصل الا بين فترة واخري وفي حالة الضرورة القصوى مما اربكني المهم قالت الحق يا ابو طفران قلت ايش فية عسى خير قلت ............................... |
نتابع اليوميات
المهم قالت الحق يا ابو طفران قلت ايش فية عسى خير قالت الموية قلت ليش فيها قالت مقطوعة قلت زي العاده ما يجي رمضان الا المويه في اليوم اللي قبله يقطعوها المهم احنا يوم الاربعاء و أول يوم في الشهر الفضيل يوم الخميس وناخذها من مين والا من مين المهم جلست افكر الحين الالفين ريال طارت بين قسط السيارة وبين الموية وبين مشتريات البيت المهم حولت الخط الى اشياب الموية الموجودة في شارع التحلية وصلت الاشيباب الا يا ذاك الطابور اللي كائن جدة كلها صافة خط تبي مويه نساء واطفال والله شي محزن ما علينا في حكمة جديدة تقول (اذا رغبت ان لا تنقطع عنك المياه جاور الوزير وابعد عن الغفير ) الحكمة جديده مصدرها ابو فقران تصدقون ما تشوفون مكان الويتات الا الفقراء اللي احيائهم ما فيها من الهاي هاي يخافون يقطعون عنهم الموية يسون مشاكل للوزارة لكن الفقير يحط راسه محل رجله وهو يلاقيها من فين ولا فين وبعدين ايش الحكمة ان كل رمضان يقطعون المويه مسكت الطابور ولا تقول قطار الصعيد واحد يدخل واحد يخرج وعشرة سايد واحد وبنقالاي ريحت جواز الهند تقطر من خشمك وانت واقف وهندي ريحت التنبل تطلع من عينك وكل فقير من كل ارجاء الارض المهم سرحت بتفكيري في هذا الجو العالمي الحافل بكل الثقافات والاجناس وقلت لو ما قطعوا المويه كيف هذا اللي مستثمر ملايين الريالات في كل هذه الوايتات يستفيد ويفيد والفاهم يفهم وكذالك قلت في نفسي هذا الشي الوحيد يا شباب منتدى مقاطعة مانقدر نقاطعة او نجد له بديل كذالك سألت نفسي ليش هذا شي محتكر من متعهد واحد ورافع سعره وانا في افكاري هذه داخل الطابور الا الطابور وصل لي قال الموظف اللي في الكاونتر هويتك قلت ما جبتها قال روح جيبها وتعال قلت طيب معليش انا نسيتها ممكن اخذ الوايات واوريه الهوية لما يوصل البيت قال تستهبل انت يالله اللي بعده قلت ............................ نتابع في المساء |
يوميات طفران بن فقران أم مزنة و التيس اللي يتكلم؟؟
مفارقة عجيبة ... كل ما أقول بكره أحسن.... بكره الناس تتطق و تطلع على التلفزيون و تصيح "كفايه" ... يصدمك الواقع المرير... ينضحك علينا و يقولو يالله نقاطع و نأدبهم أثاريهم يؤدبونا و يقولو مد رجلك على قد لحافك و إذا لحافك مرقع صف في سرا الحيوانات و استنى تجيك الفضلات اللي حنرميها لك و إذا ما عجبك !!!! موت عسى الله لا يردك ... كـــلــــب و راح إن الله يمهل و لا يهمل أسأل الله أن يعجل بهم كما عجّلوا بنا و جعلوا أعّزة الناس الأذلة..... يا رحمن يا رحمن يا رحيم |
ابو فقران
ذكرتني ببعض الشركات اللي خافت من المقاطعه وهونت رفع اسعارها لكن انقصت الكميه |
| الساعة الآن 06:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by