طفران بن فقران الله يغنيك بالحلال ويطيب أيامك ويرفع راسك بأولادك, الله يجعلهم من كبار جدة, ويجعلهم شرفاء لبلدهم, مثلك وامثالك.


لك مني دعوات في الغيب, واستغل رمضان في الدعاء.

امين ومن قال

جزاك الله خير الجزاء واسعدني مرورك الكريم دمت اخي الكريم

زدت حماستي للمقاطعة.

آمين يارب العالمين

الله يعين . . .

والله يالحبيب ما زلت أقولك أسلوبك مشوّق . . .

أقترح عليك تكتب روايات سواء واقعية أو خيالية . . .

وتعرضها على أصحاب الاختصاص لعل وعسى تضرب معك وتزيد دخلك . . .

وبالنسبة لراعي الموضة هذي يسمونها موضة طيّحني . . إلا والله مصخرني . . .

حسبي الله ونعم والوكيل والله يفرج عليك همك ويوسع رزقك . . .

بالمرة القادمة بإذن الله ساجلب لك أدعية لزيادة الرزق . . عليك بها . . .

والحمد لله على كل حال . . .

كان الله في عونك
وما دام انك ما تقبل الحرام
ثق بأن الله سيغنيك بـ حلاله عن حرامه
و اولها الـ 2000 ريال وبإذن الله الله يفرجها عليك

ياهلا والله بالفكاهي طفران


أقول يالغلا ....
ليه ماتروح تقدم على طاش ماطاش يمكن وجهك عليهم خير ويكسبو من إسلوبك هذا الكثير وتصك عليهم
بس تدري إسلوبك مثلهم مدخل السم في العسل يعني راح تمشي ميه ميه وأبصم بالعشرة....:)

حبيبي أنا ماعمري سمعت عن أحد في المملكة العربية السعودية مات من الجوع وفي عوائل حالهم أشكل من حالك وما سمعنا منهم غير كلمت الحمد الله والله رزقهم وفتح عليهم باب الخير وشوفهم الحين الله يزيدهم من فضله.
أنا معاك إرتفاع الأسعار الكل ملاحظو وملاحظ كمان ماشاء الله إن وزير التجاره وسيم وبس يضحك وظروسه كلها طالعه لما طلع على التلفزيون من حقه راتبه بس 50000 ومايلاحظ إرتفاع الأسعار .
لكن هل إنتا راجعت نفسك إيش تسوى ووين يروح راتبك؟
أكيد في حياتك شئ غلط عشان كذا الله مو مبارك لك في رزقك.
حاول تتصدق وتراجع نفسك وش عليها وش اللي لها
ترا والله وأقسم بالله العلى العظيم إنو في ناس راتبهم أقل من راتبك وعايشين في ستر ومبصوطين آخر بسط
وفيه ناس راتبهم أعلى من راتبك بكثير ومايجي نص الشهر إلآ وهوا يشتكي معاد عندو ولا ريال.

سامحنى على إسلوبي لكن أنا براجع معاك بعض مقتطفاتك الفكاهيه.
الحين تشتكي وتنوح وتون وعامل لك يوميات ماشاء الله عليك وأهنيك إنك قدرت تلفت إنتباه أغلب الأعضاء
لكن مالاحظة وقت دخولك شبكة الإنترنت وقد إيه تجلس على النت وعلى الوصف اللي وصفتو لنا إن ظروفك شويه صعبه ومع هذا الفاتوره تجيك بسعر منخفض مره طيب أعمل توفير وبلاشي من الإنترنت بدال ماتصرف حق الفاتوره على الكلام الفاضي أصرفها على واحد من عيالك أو بيتك أوفر لك ولنا من اليوميات هذي.
وبعدين راجعت حساباتك الصعبه
وطلع الناتج 2670 يعني ماهور الرقم المميز اللي إنتا حاطو ولا المديونيه اللي إنتا حاطها
يأخي أذكرك وأذكر نفسي بقول الله تعالى (( ما يلفظ من قول إلا لديه رقيب عتيد ))
وهذا أكيد سبب من محو البركه في الرزق ياخي قول الحمد لله وبلاشي شغل التهريج اللي مردوه سلبي عليك
مو المقصد من كلامي إنو مافي إرتفاع في الأسعار لالالالالالالالا الإرتفاع ملاحظ وبكل المقايس
لكن عبر عن هذا بأسلوب أفضل وطريقة أقرب للحقيقه ولا تعطي إنطباع سيئ لشعب بالكامل .
أدري كلامي هذا ماراح يعجبك ولا يعجب كثير لكن في الختام مجرد وجه نظر خاصه فيا وأحب أتكلم باللي يناسبني ويدخل عقلي وأعطي رائي في الموضوع بكل حقيقه وبعيد عن المجاملات الكذابه.

أعتذر لإدارة المنتدى على حدة إسلوبي .

أخوكم
أبوفارس

أشكرك جزيل الشكر على حسن ظنك بي

وأقول لك كل عام و أنت بكل خير ولا حول ولا قوة الا بالله